Мәдәният

Мәскәүдә “Тукай белән рухланган” документаль фильмын тәкъдим иттеләр

Фильмның герое – Татарстанның халык артисты, Г.Тукай исемендәге Дәүләт премиясе лауреаты, “La Primavera” камера оркестры җитәкчесе Рөстәм Абязов.
12.03 17:50

(Казан, 12 март, “Татар-информ”). Мәскәүдә Милләтләр йортында “Милли кинематографлар киноклубы” проекты кысаларында “Вдохновленный Тукаем” - “Тукай белән рухланган” документаль фильмын күрсәттеләр. Милләтләр йортында кино караудан тыш, тамашачылар кинорежиссер, Россиянең атказанган сәнгать эшлеклесе Николай Морозов, шулай ук Татарстанның халык артисты, Татарстан һәм Россиянең атказанган сәнгать эшлеклесе, Г.Тукай исемендәге Дәүләт премиясе лауреаты, «La Primavera» камера оркестры җитәкчесе Рөстәм Абязов һәм кинопродюсер Кузьма Морозов белән очрашты. Бу хакта Татарстанның Россиядәге Тулы вәкаләтле вәкиллеге матбугат хезмәте хәбәр итә.

“Тукай белән рухланган” документаль фильмын Мәскәү тамашачысына Николай Алексеевич Морозов тәкъдим итте. Картина 2011 елда татар халкының бөек шагыйре Габдулла Тукайның тууына 125 ел тулу уңаеннан Татарстан Мәдәният министрлыгы ярдәмендә төшерелгән.

Фильмның төп герое - Габдулла Тукай поэзиясе мотивлары буенча оркестр белән скрипка өчен сюита тудырган композитор Рөстәм Абязов фильмда төшүе турында сөйләде. Фильм геройлары картинаны төшерү процессы турында кызыклы фактлар белән уртаклашты.

Иҗади очрашу соңында кыскаметражлы “№9” картинасы күрсәтелде. Музыкаль нәфис фильмны Николай Морозовның укучысы Юрий Данилов төшергән. Биредә төп рольне шулай ук Рөстәм Абязов уйнаган.

Мәскәүдә Милләтләр йортында “Милли кинематографлар киноклубы” проекты кысаларында башкала халкын алга табан да кино сәнгатенең күренекле шәхесләре белән таныштыруны дәвам итү планлаштырыла.
 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.