Рәсми Татарстан

Рөстәм Миңнеханов сәламәтлек саклау өлкәсе хезмәткәрләре белән очрашты

Татарстан Президенты авыруларны профилактикалауга, хезмәт күрсәтү культурасына, сәламәт яшәүне пропагандалауга аеруча игътибар итәргә өндәде.
13.03 08:11

(Казан, 13 март, "Татар-информ"). Кичә Татарстан Республикасы Президенты Рөстәм Миңнеханов Казанда элеккеге хәрби госпиталь бинасында ачылган КФУның укыту-лаборатория кампусында булды. Биредә ул сәламәтлек саклау өлкәсе хезмәткәрләре белән очрашты. Бу турыда Татарстан Президенты матбугат хезмәте хәбәр итте.

Өч бина Казанның Карл Маркс урамында урнашкан. Хәзер әлеге биналарда КФУ ның Фундаменталь медицина һәм биология институты бүлекчәләре урнаша, аларны ике блокка күлеп була - мәгариф һәм фәнни-тикшеренү. Югары уку йорты студентлары яңа аудиторияләрдә һзм эсперименталь операция бүлмәләрендә шөгыльләнәчәкләр.

Корпусларның берсендә «Wet Lab» эсперименталь медицина буенча укыту-фәнни үзәге урнашкан. Биредә хайваннарга операцияләр ясау бүлмәләре, медицина юнәлешләре буенча вузны тәмамлаучыларны аккредитацияләү станцияләре бар.

"Электән әлеге биналар 1842 елда госпиталь буларак төзелгән. Алар медицинага хезмәт итәчәкләр. Аерым бер юнәлеш сакланды. Объект яхшы сыйфатлы төзекләндерелгән һәм сафка кертелгән. Урнашуы да, тарихи эчтәлеге дә - барысы да исәпкә алынган. Минемчә, бу бик әйбәт проект. Без коллектив белән күп кат очраштык. Район сессияләре уздырдык", - диде сәламәтлек саклау өлкәсе хезмәткәрләре белән очрашуда Рөстәм Миңнеханов.

Россия Президенты Владимир Путин сүзләренчә, 2018 елда сәламәтлек саклау өлкәсенә дәүләт федераль бюджеттан, узган елдагыларга караганда, күбрәк акча бүлеп бирәчәк.

Соңгы алты елда Татарстанда сәламәтлек саклау учреждениеләрен зур күләмдә төзекләндерү эше алып барылды. Шул чорда республикада 2260тан артык медицина объекты төзекләндерелде һәм җиһазландырылды.

"Кешеләр хакимиятне бер бөтен буларак бәяли. Халык таләпләре һәм өмете сигнал бирә, бөтен җирдә дә безнең эш төгәл һәм бердә алып барылмый. Медицина белеме системасы бар, сәламәтлек саклау системасы бар - алар бергә эшләргә тиеш. Бүгенгә төп бурыч - материаль-техник базаны тәэмин итү, медицина хезмәтенең тәэмин ителеше һәм сыйфаты", - диде Рөстәм Миңнеханов.

Татарстан Президенты авыруларны профилактикалауга, дәваланучыларга хезмәт күрсәтү культурасына, сәламәт яшәү рәвешен пропагандалауга аеруча игътибар итәргә өндәде.

Госпиталь биналарын тулысынча төзекләндерүгә һәм җиһазлауга 397,8 млн. сум акча сарыф ителде - КФУ ның бюджеттан тыш акча чаралары, субсидияләр һәм «Связьинвестнефтехим»ның хәйрия акчалары.  

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Башкортстан иҗтимагый палатасы мәктәпләрдә туган телне укыту торышын тикшерергә җыена

Кайбер дәреслекләрне терминнар сүзлеген кулланмыйча укып булмый, ди иҗтимагый палата вәкиле.

Казанда татар юмор мәктәбен ачарга җыеналар

“МИН ЮМОРИСТ” тамашасын оештыручылар яңа талантлар эзли.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.