Мәдәният

Чаллыда татар телендә иң яхшы алып баручылар бәйгесе була

Бәйгедә һөнәри һәм югары белем бирү оешмаларында белем алучы студентлар, 16 дан 25 яшькә кадәр булган яшьләр катнаша ала.
13.03 09:11

(Казан, 13 март, "Татар-информ"). Чаллыда татар телендә иң яхшы алып баручыны ачыклыйлар. 20 март көнне 15:00 сәгатьтә "Нур" яшьләр үзәгендә татар телендә "Нәфис сүз остасы" бәйгесе узачак. Бу турыда "Мәйдан" журналы хәбәр итә.

Бәйге татар телен популярлаштыру һәм талантлы яшьләрне, аларның иҗат потенциалын ачыклау, яшьләрдә мәдәни-ял эшчәнлегенең һөнәри дәрәҗәсен күтәрү максатыннан үткәрелә. "Нәфис сүз остасы" бәйгесе Яр Чаллы шәһәре муниципаль берәмлеге Башкарма комитетының мәгариф һәм яшьләр белән эшләү идарәсе, "Мизгел" милли-мәдәни клубы һәм "Нур" яшьләр үзәге ярдәмендә оештырыла, диелгән "Мәйдан" журналы сайтында.

a4

Хәбәрдән билгеле булганча, "Нәфис сүз остасы” бәйгесе түбәндәге номинацияләре буенча үткәрелә:

-рәсми чараларны алып баручы;

-күңел ачу шоу-программаларын, массакүләм һәм спорт чараларын алып баручы;

- йола, фольклор, күңел ачу-уен программаларын алып баручы.

Бәйгедә һөнәри һәм югары белем бирү оешмаларында белем алучы студентлар, 16дан 25 яшькә кадәр булган яшьләр катнаша ала.

Әлеге чарада катнашырга теләүчеләрдән гаризалар 16 мартка кадәр mizgel11919@mail.ru. электрон почтасына кабул ителә.

Белешмәләр өчен телефон: 8 (965) 626-31-93 –Абдуллина Люция Наил кызы.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.

Казанда илкүләм чемпионатта иң яхшы теннисчылар көч сынаша

Турнир 22-30 сентябрьдә Казан Теннис академиясендә уздырыла.