Татар дөньясы

Мәскәүдә Нәүрүз бәйрәмендә пылау фестивале була

Пылау фестивале иң яхшы ризык әзерләү буенча ярыш форматында узачак.
13.03 09:33

(Казан, 13 март, «Татар-информ»). 25 мартта Мәскәүдә Халык хуҗалыгы казанышлары күргәзмәсендә «Нәүрүз-2018» гомумшәһәр бәйрәме кысаларында пылау фестивале үтәчәк, дип хәбәр итә Татарстанның Россиядәге Вәкаләтле вәкиллеге матбугат хезмәте.

Пылау фестивале иң яхшы ризык әзерләү буенча ярыш форматында узачак. Конкурста милли аш-су рестораннарында эшләүче шеф-пешекчеләр катнаша. Жюри составында кулинарлар гына түгел, милли диаспора вәкилләре, фуд-блогерлар да булачак.

Кунаклар игътибарына шулай ук көмеш бизәнү әйберләре, күннән тегелгән милли аяк киемнәре, кием-салым, савыт-саба, сөлге һәм ашъяулыклар, төрле сувенирлар тәкъдим ителәчәк. Нәни кунаклар өчен сувенирлар, курчаклар ясау буенча мастер-класслар оештырылачак.

Бәйрәмнең төп сәхнәсендә вокал һәм бию коллективлары чыгыш ясаячак. Концерт программасында Татарстанны җырчы Марсель Вагыйзов һәм «Сәйдәш» бию ансамбле тәкъдим итәчәк.
 

КӨН ҮЗӘГЕНДӘ

Татарстан Президенты Россия-Сингапур хөкүмәтара комиссиясе эшендә катнашачак

Рөстәм Миңнеханов, Малайзиягә эш сәфәрен тәмамлап, Сингапур Республикасына килде.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.