Рәсми Татарстан

Рөстәм Миңнеханов «Энергетика. Ресурсларны сак тоту» күргәзмәсен ачуда катнашты

Чарада Фәрит Мөхәммәтшин, Алексей Песошин, Альберт Кәримов булды.
13.03 10:44

(Казан, 13 март, "Татар-информ"). Бүген «Казан ярминкәсе»ндә «Энергетика. Ресурсларны сак тоту» 19 нчы халыкара махсуслаштырылган күргәзмәсе һәм «Энергия ресурсларының нәтиҗәлелеге һәм энергияне сак тоту» 18 нче халыкара симпозиумы ачылды. Рөстәм Миңнеханов күргәзмәне ачуда катнашты. Бу турыда Татарстан Президенты матбугат хезмәте хәбәр итте.

Күргәзмәдә Россиянең 18 төбәгеннән, дөньяның 6 иленнән барысы 132 компания катнаша. Симпозиумның һәм күргәзмәнең эш программасында – энергетиканың нәтиҗәлеген арттыру һәм энергияне сак тоту өлкәсендә инновацион хәл ителешләргә багышланган фәнни-техник конференцияләр, түгәрәк өстәлләр, экспертлар секцияләре һәм семинарлар.

Рөстәм Миңнеханов ассызыклаганча, күргәзмә энергияне сак тоту мәсьәләләре буенча фикер алышуның һәм тармакның иң яңа технологияләре белән танышуның нәтиҗәле мәйданчыгына әверелде. Ул күргәзмәдә катнашучыларга рәхмәт әйтте һәм мондый чаралар энергияне сак тоту өлкәсен киләчәктә дә үстерергә ярдәм итәр, дип ышаныч белдерде.

Чарада шулай ук Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Алексей Песошин, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов та катнашты.

Биредә «Энергиянең нәтиҗәлелеге җайланмалары һәм технологияләре» конкурсында җиңүчеләрне бүләкләделәр. Дипломнарны Татарстан Республикасы Премьер-министры Алексей Песошин тапшырды.

Рөстәм Миңнеханов һәм башка кунаклар күргәзмә экспозициясе белән танышты.

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.