Сәясәт

Татарстанда Россия Президентын сайлау халыкара күзәтүчеләр катнашында узачак

Республикада сайлаулар барышын Белоруссия һәм Россия Берлегенең Парламент җыены, шулай ук Шанхай хезмәттәшлек оешмасы вәкилләре күзәтәчәк.
13.03 13:14

(Казан, 13 март, «Татар-информ», Наталья Рыбакова). Татарстанда Россия Президентын сайлау халыкара күзәтүчеләр катнашында узачак. Татарстан Үзәк сайлау комиссиясе рәисе Мидхәт Шаһиәхмәтов Татарстан Министрлар Кабинетында узган брифингта шул хакта хәбәр итте.

«Сайлау вакытында җәмәгать контроле киңәйтелә. Татарстан Иҗтимагый палатасының сайлау участокларында үз күзәтүчеләрен билгеләргә хакы бар. Без күзәтүчеләр шактый күп булыр дип уйлыйбыз. Инде бүген үк республикада Демократик институтлар һәм кеше хокуклары бюросы миссиясен тәкъдим итүче халыкара күзәтүчеләр эшли. Шулай ук Белоруссия һәм Россия Берлегенең Парламент җыены, Шанхай хезмәттәшлек оешмасы вәкилләре (һ.б.) килүен дә көтәбез», - дип хәбәр итте ул.

Кунаклар республика территориясендә тавыш бирүне оештыру һәм үткәрү процессын күзәтәчәк. Аерым алганда, Белоруссия, Казахстан һәм Үзбәкстан вәкилләренең килүе көтелә.
 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.