Сәясәт

Рөстәм Миңнеханов Идел буе федераль округы башлыклары рейтингында беренче

Массакүләм матбугат чараларының февраль нәтиҗәләре буенча,Татарстан Президенты катнашындагы вакыйгалар турында ун меңнән артык хәбәр чыккан.
13.03 18:57

(Казан, 13 март, “Татар-информ”). Татарстан Президенты Рөстәм Миңнеханов, февраль нәтиҗәләре буенча, янәдән Идел буе федераль округы башлыклары рейтингының беренче баскычында. Ул икенче урындагы Башкортстан башлыгы Рөстәм Хәмитовны ике тапкыр диярлек узып киткән. Массакүләм матбугат чаралары өлкәсендә илнең бәйсез тикшеренү компанияләре һәм “Медиалогия” соцмедиа аналитиклары шундый нәтиҗәгә килгән.

Төбәк башлыклары гомумроссия рейтингында Рөстәм Миңнеханов дүртенче урында. Беренче өч урында кимү тәртибендә Мәскәү мэры Сергей Собянин, Мәскәү өлкәсе губернаторы Андрей Воробьев һәм Дагыстан башлыгы вазифасын башкаручы Владимир Васильев.

Массакүләм матбугат чараларында узган ай йомгаклары буенча, Татарстан Президенты катнашындагы вакыйгалар турында 10 мең 48 хәбәр чыккан.

Рөстәм Миңнеханов республиканың сәламәтлек саклау министры Гадел Вафинны отставкага җибәреп, ведомствоның яңа җитәкчесе итеп, 7 нче шәһәр клиник хастаханәсе баш табибы Марат Садыйковны билгеләде. Шулай ук Рөстәм Миңнеханов Казан шәһәре Думасының XXIV хисап сессиясендә катнашып, муниципаль депутатларны шәһәр халкы тормышы шартларын яхшыртуда җитәрлек катнашмауларын тәнкыйтьләде.

Моннан тыш, февраль аенда Татарстан Президенты Дагыстанда булды.  

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

Истанбулда төрки дөньяның социаль челтәре – “Төркитуй” эшли башлады

"Төркитуй" - бер тамырдан килүче, төрки телләрдә сөйләшүче халыкларның бер-берсе белән уңайлырак аралашулары өчен булдырылган.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.

Синоптиклар иртәгә Татарстанда һава шартлары бозылу турында кисәтә

23 сентябрьдә төнлә һәм иртән республика территориясендә һәм Казанда томан төшәчәк.