Мәдәният

Казанда беренче тапкыр халыкара төрки кино фестивале була

Татарстаннан фестивальдә “Бибинур” фильмы күрсәтеләчәк.
13.03 20:42

(Казан, 13 март, “Татар-информ”). Казанда 21 марттан 25 мартка кадәр халыкара төрки киносы фестивале була. Бу хакта Татарстан халыкларының Дуслык йорты матбугат үзәге хәбәр итә.

Фильмнар “Мир” кинотеатрында күрсәтеләчәк, халыклар Дуслык йортында төрле илләр кинематографистлары белән иҗади очрашулар узачак. Фестиваль ленталарын шулай ук Татарстанның төрле район һәм шәһәрләрендә күрсәтү дә планлаштырыла. Моннан тыш, фестиваль кунаклары “Нәүрүз” бәйрәмендә катнашачак.

Татарстан башкаласына кинофорумга Россия, Төркия, Казахстан, Кыргызстан, Үзбәкстан, Азәрбайҗан һәм Төрекмәнстан вәкилләре җыелачак. Безнең илне Татарстан, Башкортстан, Якутия, Хакасия һәм Чувашстан кинематографистлары тәкъдим итәчәк. Татарстаннан фестивальдә Юрий Фетингның “Бибинур” фильмы күрсәтеләчәк.

Фестивальдә җиңүчеләр һәм призлар булмаячак. Дөнья кинематографистлары әйтүенчә, кино залларының тулы булуы иң зур бүләк булачак.

Фестиваль форматы күчмә итеп эшләнгән. Киләсе елда ул киноленталарны күбрәк кешеләр күрә алсын өчен башка илгә күчәчәк.
 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.