Җәмгыять

Теләчедә солдат әниләрен хөрмәтлиләр

“Олимп” яшьләр үзәге быел да солдат әниләренә чәчәк бәйләмнәре һәм истәлекле бүләкләр әзерләгән иде.
14.03 03:00

 (Теләче, 14 март, “Татар - информ”, "Теләче", Алинә Шәмәрданова). Теләчедә солдат әниләре район үзәк китапханәсенә җыйналды. Аларның уллары бүген армия хезмәтендә. Шуңа да бер-берсе белән сөйләшер сүзләре, уртаклашыр фикерләре бар, дип яза җирле басма.

Матур җырлар тыңлаганда моңаеп утырсалар, газиз балаларының солдат хатлары укылганда күзләреннән яшь бөртекләре тәгәри аналарның. Әнә бит, хатлары да ничек эчтәлекле, сагыну хисләре белән сугарылган. “...Армия бездән чын ир-егет ясый. Бер ел ул күп вакыт түгел, нибары бер көз, бер кыш, бер яз, бер җәй генә. Хәзер үтеп китәр. Безнең өчен кайгырмагыз. Суыкта кияргә җылы киемнәребез, йокларга урыныбыз бар. Үзегезне саклагыз”, - дип яза Наис Шиһапов. Әнисе Сәрия апа: - Хатлары еш килә. Аларны еламыйча укып булмый. Хәрби ант кабул иткәндә янына барып кайттык. Тагын барып күрербез дип торабыз. Бик сагынабыз, - дип, яшьле күзләрен сөртә. – Билгесезлеккә чыгарып җибәрү бик авыр. Беренче көннәрендә бигрәк тә. Тавышлары әз генә калтырап ишетелсә дә, ана өчен борчу инде ул, - ди Рәсүлә Сәхәбиева.

Әйе, район үзәк китапханәсе хезмәткәрләре тарафыннан солдат әниләрен хөрмәтләү матур традициягә әйләнде. – Бу безнең иң яратып үткәрә торган бәйрәмебез. Уллары армия хезмәтендә булучы әниләр тагын кайчан бергә җыелсын? Ә биредә алар рәхәтләнеп аралаша. Әлегрәк әниләр китапханәгә килеп керүгә елап җибәрә иде, уллары икешәр ел Чечня җирендә хезмәт итте.

Хәзер армияләрдә дә тәртип, шунысы сөендерә, - диде район үзәк китапханәсе җитәкчесе Резеда Дәүлиева. Бу көнне солдат әниләрен район мәдәният бүлеге җитәкчесе Даут Ихсанов та тәбрикләп, изге теләкләрен, Ватан алдындагы бурычларын үтәргә әзер булган уллар тәрбияләгәннәре өчен рәхмәт сүзләрен ирештерде.

“Олимп” яшьләр үзәге быел да солдат әниләренә чәчәк бәйләмнәре һәм истәлекле бүләкләр әзерләгән иде. Чәй табыны артында үткән җанлы аралашу һәркайсының күңеленә хуш килде. Аналар бертавыштан: “Ил-көннәребез тыныч булсын, газизләребез исән-сау әйләнеп кайтсын”, - дип теләде.

 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.