Җәмгыять

Азнакайда атказанган күгәрченче бу кошларның Бөек Ватан сугышында почта ташуларын сөйләде

Әлеге хәйрия чарасы Казан күгәрченнәре клубы рәисе Валерий Варянин җитәкчелегендә уздырылган.
14.03 02:00

(Азнакай, 14 март, “Татар-информ”, “Маяк”, Гөлнара Гәрәева).Татарстан Республикасының «Казан күгәрченнәре» экологик-социаль программаларны яклау үзәге вәкилләре Азнакай шәһәренең сәламәтлекләре чикләнгән балалар өчен мәктәптә кунакта булдылар, дип хәбәр итә район газетасы.

Казан күгәрченнәре клубы рәисе Валерий Варянин җитәкчелегендә уздырылган әлеге хәйрия чарасында балалар тынычлык символы булган кошларның биологик үзенчәлекләре, төрләре белән таныштылар.

Дүрт дистәдән артык күргәзмәдә катнашкан атказанган күгәрченче Виктор Даниловның күгәрчен асрау тарихы, әлеге кошларының Бөек Ватан сугышында почта ташулары, канатлы спортсменнарның батырлыклары турында мәгълүматларын укучылар гына түгел, әти-әниләр дә кызыксынып тыңладылар.

Балалар соңыннан кошларны кулларына алып, сыйпап карадылар, алар белән фотосүрәткә төштеләр. Викторина сорауларына да төгәл җавап бирделәр.

Әлеге чараны оештыручылар мәктәп белән алга таба да хезмәттәшлек итәргә карар кылдылар, диелә район хәбәрендә

 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Башкортстан иҗтимагый палатасы мәктәпләрдә туган телне укыту торышын тикшерергә җыена

Кайбер дәреслекләрне терминнар сүзлеген кулланмыйча укып булмый, ди иҗтимагый палата вәкиле.

Казанда татар юмор мәктәбен ачарга җыеналар

“МИН ЮМОРИСТ” тамашасын оештыручылар яңа талантлар эзли.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.