Татар дөньясы

Вахит Имамов үзенең романнарын төпле кешеләр генә аңлый ала дип саный

Язучының “Карабәк” һәм “Каенсар” тарихи романнарын берләштергән китабы чыкты.
14.03 08:53

(Казан, 14 март, “Татар-информ”, Динә Йосыпова). Татарстан китап нәшриятында язучы Вахит Имамовның “Карабәк” һәм “Каенсар” тарихи романнары китабы чыкты. Язучы үзенең романнарын төпле кешеләр генә аңлый ала дип саный. “Татар-информ” хәбәрчесенә ул романнарны татар тарихын, татарларны күтәрү, дөньядагы хәлләрне ничек тә булса рәткә китерү максатыннан язылуын әйтте.

“Без, татарлар, дөнья тарихында үз урыныбызны алырга лаеклы. Тарихта бит хәзер ярты сүз ялган. Халык тарихны белергә тиеш. Минем романнарда дөрес тарих”, - ди Вахит Имамов.

Язучы фикеренчә, тарихны татарлар күтәрмәсә, беркем дә күтәрмәячәк. Ул бу романнарны ике аерым китап итеп чыгарырга теләгән булган. “Бар язган әйберне көнендә һәм секундында чыгарырга кирәк”, - ди автор.

Вахит Имамов үз романнарын белемнәре булган кешеләр генә аңлый ала, дип саный. “Минем китап чәй эчеп утырганда күңел ачар өчен язылмаган. Минем романнарым җитди. Аларны төпле кешеләр генә аңлый ала”, - диде ул “Татар-информ” хәбәрчесенә.

“Карабәк” романы Алтын Урда чорлары турында, “Каенсар” XX гасыр тарихына багышлана. Китапларны “Татарстан китап нәшрияты” кибетләреннән алып булачак. Җыентык социаль яктан әһәмиятле әдәбият буларак бастырылган. 

Белешмә өчен: Вахит Имамов "Мәдәни җомга" газетасының баш мөхәррире, Г.Тукай исемендәге Дәүләт премиясе лауреаты, Татарстанның атказанган мәдәният хезмәткәре. 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.