Икътисад

Татарстанга Дагыстаннан беренче 20 тонна сарык ите керде

Озакламый Дагыстаннан дөгенең беренче партиясе керәчәк.
14.03 08:14

(Казан, 14 март, “Татар-информ”). Татарстанга Дагыстан компаниясеннән беренче 20 тонна сарык ите керде. Бу хакта ТАСС Татарстан авыл хуҗалыгы һәм азык-төлек министры Марат Әхмәтовка сылтама белән хәбәр итә.

Шушы көннәрдә Дагыстаннан дөгенең беренче партиясе керәчәк. Татарстан кулланучыларында Дагыстан азык-төлегенә ихтыяҗ булса, төбәкләр товар кертүне арттыру турында уйланачак.

Алдан Дагыстан компаниясенең Татарстанга дөге кертергә теләге барлыгы хәбәр ителгән иде. Дагыстан республикага дөгене коры сөткә алмаш итеп куячак, дип фаразлана. Төньяк Кавказ республикасына минимум 3 мең тонна коры сөт кирәк. Бу хакта Дагыстан авыл хуҗалыгы министры Кәримхан Абасов әйткән булган.

Аның сүзләренчә, төбәкләр арасында товар кертү күләме буенча билгеле бер килешү бар. Мәсәлән, дөгене алар елына 5тән 8 мең тоннага, сарык итен 2 мең тоннага кадәр кертә алалар.
 

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.