Икътисад

Казан вертолет заводында яңа цех эшли башлады

Яңа цех ачылышында Татарстан Президенты Рөстәм Миңнеханов һәм “Россия вертолетлары” холдингы генераль директоры Андрей Богинский катнашты.
14.03 11:12

(Казан, 14 март, “Татар-информ”, Рөстәм Килсинбаев). Бүген Казан вертолет заводында яңа гальваник җитештерү цехы ачылды. Цехны эшләтеп җибәрүдә Татарстан Президенты Рөстәм Миңнеханов һәм “Россия вертолетлары” холдингы генераль директоры Андрей Богинский катнашты.

Җитештерүне модернизацияләү заводка хезмәт җитештерүчәнлеген 15 процентка арттыру мөмкинлеген бирә. Проектка 2 млрд сум инвестиция кертелгән. Шуның 70 проценты үз акчабыз, калган 30 проценты федераль бюджеттан алынган.

Яңа корпуста урнаштырылган заманча насослы агымсуларны чистарту станциясе елына 2,3 млн сум акчаны янга калдыру мөмкинлеген бирә.

Яңа технология 87 процент агымсуны технологик процесска яңадан кайтара һәм энергочыганакларны 40 процентка кадәр экономияләү мөмкинлеген бирә. Шәһәр канализациясенә ыргыту 91 процентка кадәр кимергә тиеш.

Бүген ачылган 12 мең квадрат метрдагы гальваник цех корпусы берничә участокны берләштерә һәм иске типтагы чистарту корылмаларын юк итә. Җитештерү мәйданын ул 27 процентка киметә.
 

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.