Татар дөньясы

Тукай бүләгенә кайбер кандидатлар әрсезлеге туйдыра башлады - Вахит Имамов

Танылган язучы дәүләт бүләгенә дәгъва кылучылар турында “Татар-информ”га үз фикерләрен белдерде.
14.03 11:46

(Казан, 14 март, “Татар-информ”, Мөршидә Кыямова). Г.Тукай дәүләт бүләгенә дәгъва кылучы кайбер кандидатлар үзләренең әрсезлеге белән туйдыра башлады. Бу хакта “Татар-информ” мәгълүмат агентлыгы хәбәрчесенә Г.Тукай премиясе лауреаты, язучы Вахит Имамов әйтте.

“Исемлеккә эләккән кандидатларның исемнәре беренче кабат кына яңгырамый, кайберләре үз әрсезлеге белән туйдыра да башлады, - диде Вахит Имамов. - Халык игътибарын җәлеп итәрдәй, әдәбияттагы үз сукмагын раслардай яңа әсәрләре юк, тик иске пластинка урынына һаман буталып йөриләр. Рәссамнар да шулай, татар мөкиббән китәрдәй полотнолар бүләк итә алмыйлар. Исемлектә, 9 кандидат арасында яңа бер оешма хасил булды – “Таттелеком”. Тукай бүләгенә аның ни катнашы бар, дип меңнәр сүгенер, әмма тарихка чумып карыйк. Ниһаять, республика төзелгәннән соң үткән 100 ел буена революциягә кадәрге Гани бай Хөсәенов, Уфадагы Сәлимгәрәй Җантурин, Иж-Бубидагы Мөхәммәтҗан Әхмәтҗановларга тиң тәүге татар меценаты Лотфулла Шәфигуллин пәйда булды! Республикада халыкны талап миллион һәм миллиардлар туплаган карак байлар йөзләгән вә дистәләгән. Ләкин аларның һичьюгы берсе генә дә, сыңар миллион сумын да халык мәнфәгате өчен бүлеп бирми. Лотфулла әфәнде бердәнбер меценат булып, Кырлай авылында Сәгъди карт бакчасын, Арча районының Ташкичү авылында Мәрҗани музеен һәм Симетбаш авылы янында Мәрҗани чишмәсен, тагын шул ук районда генерал Гани Сафиуллин музеен, әле боларның һәммәсеннән дә мәһабәте - Биектау районында инде ун ел элек үк Иске Казан кирмәнен төзеп бирде. Югыйсә, ул да бит, нәкъ башка карак җитәкчеләр шикелле, оешма акчасын үз кесәсенә салып кына да ята ала иде. Ә ул безгә татар тарихын кайтарды, ул безне киләчәккә өметле итте”.

“Интертат” электрон газетасы быелгы Г.Тукай бүләгенә кандидатлар турында язма әзерләде. В.Имамовның фикерләрен тулырак шул язмадан укырга мөмкин булачак.

 

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

22 сентябрьнең төп вакыйгалары - фото һәм сылтамалар

Рөстәм Миңнеханов хезмәт кешесенең абруен күтәрергә кирәклеген әйтте, “Нур-Ихлас” мәчете территориясендә мәдрәсә төзеләчәк, иртәгә һава торышы бозыла.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.

Синоптиклар иртәгә Татарстанда һава шартлары бозылу турында кисәтә

23 сентябрьдә төнлә һәм иртән республика территориясендә һәм Казанда томан төшәчәк.