Икътисад

Казан вертолет заводы яңа контракт буенча беренче медицина “Ансат”ын тапшырды

Вертолетлар тапшыру чарасында Татарстан Президенты Рөстәм Миңнеханов катнашты.
14.03 13:11

(Казан, 14 март, “Татар-информ”, Рөстәм Килсинбаев). Бүген Казан вертолет заводы яңа контракт буенча Дәүләт транспорт лизинг компаниясенә беренче медицина “Ансат” вертолетын тапшырды. Завод 2018 елның беренче яртыеллыгында заказчыга тагын 11 вертолет тапшырырга планлаштыра.

Узган елда Казан вертолет заводы Дәүләт транспорт лизинг компаниясенә медицина модификациясендә алты “Ансат” вертолетын тапшырган иде. Быел заказ 12 машинага кадәр җиткерелде. Гомумән алганда, “Россия вертолетлары” холдингы Дәүләт транспорт лизинг компаниясенә төрле типтагы 31 вертолет эшләүне планлаштыра.

“Без программага һәм төбәкләрдә вертолетларга ихтыяҗ зур булуын аңлыйбыз. Бу эшне туктатмадык, бүген без беренче “Ансат”ны тапшырабыз. Безнең бурыч – агымдагы елның беренче яртыеллыгында 31 вертолет тапшыру”, - дип әйтте журналистларга “Россия вертолетлары” холдингы генераль директоры Андрей Богинский.

Вертолетлар тапшыру чарасында шулай ук Татарстан Президенты Рөстәм Миңнеханов, “Дәүләт транспорт лизинг компаниясе” ГАҖенең авиация буенча генераль директоры урынбасары Антон Королев һәм башка рәсми затлар катнашты.

 

КӨН ҮЗӘГЕНДӘ

"Ак Барс" Түбән Камада "Нефтехимик"ны җиңде

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк.

Татарстанда бәрәңге уңышының яртысы җыеп алынган

Республикада халыкны бәрәңге һәм яшелчәләр белән тәэмин итү буенча проблемалар көтелми, диде Марат Әхмәтов.

Тукай музеенда XX йөз башында татар җәмгыятендәге эчкечелек турында сөйләштеләр

Бүген “Иске Татар бистәсендәге тайпылышлар: эчкечелек белән көрәш” темасына багышланган чираттагы “Тарихи бранч” узды.

21 сентябрьнең төп вакыйгалары - фото һәм сылтамалар

Рөстәм Миңнеханов «Татмедиа» генераль директоры Андрей Кузьминга интервью бирде, интернетта Гөлшат Зәйнашеваның 90 еллыгына флешмоб башланды.