Рәсми Татарстан

Татарстан Президенты Марта Зәйнуллинаны Паралимпиадада уңышлы чыгышы белән котлады

Чаңгычы Марта Зәйнуллина Пхенчханда көмеш һәм бронза медальләр яулады.
14.03 13:39

(Казан, 14 март, "Татар-информ"). Татарстан Республикасы Президенты Рөстәм Миңнеханов чаңгычы Марта Зәйнуллинага котлау телеграммасы юллады. Бу турыда Татарстан Президенты матбугат хезмәте хәбәр итте.

Чаңгычы Марта Зәйнуллина Пхенчханда Паралимпия уеннарында көмеш һәм бронза медальләр яулады.

"Сезнең ихтыяр көчегез, җиңүгә омтылышыгыз, спортта гаять зур осталыгыгыз тирән ихтирамга лаек. Бу – максатка омтылучанлыкның һәм хезмәт сөючәнлекнең илһамландырырлык үрнәге, һәм болар барысы да киләчәктә Сезгә яңа үрләр яуларга ярдәм итәр, дип ышанам. Сезнең әзерлеккә күп көч, энергия түккән, тырышлык куйган тренерларыгыз Фәридә Идрис кызы Сафиуллинага һәм Ирина Васильевна Поляковага рәхмәтләремне җиткерәм", диелгән котлау текстында.

Рөстәм Миңнеханов спортчы белән бөтен Татарстан халкы горурлануын, соклануын, яңа зур җиңүләр, күңел күтәренкелеге, бәхет теләвен җиткергән.

КӨН ҮЗӘГЕНДӘ

Татарстан Президенты Россия-Сингапур хөкүмәтара комиссиясе эшендә катнашачак

Рөстәм Миңнеханов, Малайзиягә эш сәфәрен тәмамлап, Сингапур Республикасына килде.

Илшат Әминов татар теленнән дәреслекләрне лицензияләү мәсьәләсен күтәрде

Комитет рәисе Разил Вәлиев бу мәсьәләнең актуаль булуын, бу уңайдан ата-аналар да, укытучылар да еш мөрәҗәгать итүен әйтте.

Дәүләт Советы депутатлары Гаяз Исхакый музеен төзекләндерү кирәклеген билгеләп узды

Ринат Закиров Чистайда күчмә утырыш үткәрүне тәкъдим итте.

18 сентябрьнең төп вакыйгалары - фото һәм сылтамалар

Татарстан Малайзия белән хезмәттәшлекне дәвам иттерәчәк, 2018 ел уңышына нәтиҗә ясалды, Татарстан мәчетләрендә татар телен өйрәнү курслары башлана.

“Әкият” курчак театрының татар труппасы сентябрьдә ике фестивальдә катнаша

Фестиваль тамашачыга "Су анасы" һәм “Таңга – Чулпан, айга – Зөһрә” спектакльләрен тәкъдим итә.