Сәясәт

Фәрит Мөхәммәтшин Төркиянең Казандагы яңа Генераль консулы белән очрашты

Әхмәт Садык Доган республика җитәкчелегенә консуллыкка ярдәм итүләре өчен рәхмәт белдерде.
14.03 16:35

(Казан, 14 март, “Татар-информ”). Татарстан Дәүләт Советы Рәисе Фәрит Мөхәммәтшин Төркиянең Казандагы яңа Генераль консулы Әхмәт Садык Доган белән очрашты.

Республика парламенты рәисе дипломатны вазифасына керешүе белән котлады, Татарстан белән Төркия арасындагы дустанә мөнәсәбәтләрне, шул исәптән парламентара элемтәләрне саклауга һәм ныгытуга, ышануын белдерде, дип хәбәр итә Татарстан Дәүләт Советы матбугат хезмәте.

“Сез эшли торган консуллык округы зур, эш күләме дә күп. Эшегездә уңышлар телим”, - диде Мөхәмәтшин, кунакны сәламләп.

Төркия белән Татарстан арасындагы икътисади һәм мәдәни элемтәләрдән тыш, парламентара ныклы мөнәсәбәтләр урнашты, дип әйтте парламент җитәкчесе.

Әхмәт Садык Доган республика җитәкчелегенә, консуллыкка ярдәм итүләре өчен, рәхмәт белдерде. Ул республиканың берничә шәһәрендә (Алабугада) булуын һәм Татарстанда төрек диаспорасы белән эшләүгә игътибар итәргә ниятләвен сөйләде.

Очрашуда Татарстан Дәүләт Советы Рәисе урынбасары Римма Ратникова үзара багланышларның тагын бер ысулын - “Мәрхәмәт” – “Милосердие” депутатлар берләшмәсе үткәрә торган хәйрия һәм гуманитар акцияләре аша оештыруны әйтте. 

Очрашу азагында Фәрит Мөхәммәтшин Әхмәт Садык Доганга тагын бер тапкыр эшендә уңышлар теләде. “Без сезнең өчен һәрвакыт ачык”, - диде ул.

КӨН ҮЗӘГЕНДӘ

Россия спорт өлкәсендә Латин Америкасы илләре белән хезмәттәшлек итәргә ниятли – министр

Россия һәм Уругвай спорт министрлары Самарада бүләкләр биреште.

25 июньнең төп вакыйгалары - фото һәм сылтамалар

2018 елда Татарстан бюджетын арттыру проекты имзаланды, Татаристика һәм тюркология югары мәктәбе гаризалар кабул итә, Уругвай футболда Россияне җиңде.

Рөстәм Миңнеханов 2018 елга Татарстан бюджетын 15,7 млрд сумга арттыру проектын имзалады

2018 елга бюджет кереме - 225 млрд сум, чыгымнар — 243 млрд сумны тәшкил итәчәк, дефицит 18,7 млрд сум булачак.

Уругвай 2030 елда чемпионат уздыру хокукы өчен көрәштә Россия ярдәменә өметләнә - Касерес

Уругвай дөнья чемпионатының 100 еллыгын билгеләп үтәргә җыена.

Чемпионат объектлары территорияләре санитар-экологик яктан тикшерелеп тора - А.Шадриков

Татарстан Экология министры Казанда сулыкларның да сыйфаты контрольдә булуын белдерде.