Авыл

Айрат Хәйруллин сөтне сатып алу бәясе кимендә 25-26 сум булырга тиеш дип саный

Дума депутаты фикеренчә, чит илләрдән кергән коры сөт махсус рәвештә үзкыйммәтеннән түбән хакка сатыла.
14.03 18:29

(Казан, 14 март, “Татар-информ”, Динә Йосыпова). Россия Дәүләт Думасының аграр мәсьәләләр буенча комитеты җитәкчесенең беренче урынбасары Айрат Хәйруллин бер литр сөтнең сатып алу бәясе кимендә 25-26 сум булырга тиеш дип саный. Бу хакта ул “Татар-информ” хәбәрчесенә әйтте.

Айрат Хәйруллин сөткә бәя төшүне илнең иң зур проблемасы дип саный. “Беларусьтан безгә субсидияле сөт керде. Ул сөтнең бәясе базар бәясеннән түгел иде. Исәпләп карасаң, ул сөтнең бер литры 11 сум килеп чыга. Мондый бәя белән сатсак, без бер чыгымны да каплый алмыйбыз. Беларусьтан кергән коры сөт безнең базарның өстен аска әйләндерде. Нәрсәләр генә булып бетмәде. Машиналарга һәм башка чыгымнарга акча җитсен өчен, сөтнең бер литры кимендә 25-26 сум булырга тиеш”, - ди Айрат Хәйруллин.

Шулай да Айрат Хәйруллин 11 март көнне узган Авыл хуҗалыгы җитештерүчеләренең Бөтенроссия форумы пленар утырышында Россия Президенты чыгышыннан соң канәгать калуын белдерде. Депутат иген үстерү буенча да, авыл хуҗалыгы буенча да сөйләшенгән сүзләрнең нәтиҗәсе булыр дип саный.

Айрат Хәйруллин - Россия Дәүләт Думасының аграр мәсьәләләр буенча комитеты җитәкчесенең беренче урынбасары, Сөт җитештерүчеләр берлеге президенты, «Эдельвейс Корпорейшн» һәм «Кызыл Шәрык агрохолдингы» берләшмәләрен оештыручы.
 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.