Фән һәм мәгариф

Рафис Борһанов Ризаэтдин Фәхретдин һәм Каюм Насыйри премияләрен тапшырды

Яшь буынны тәрбияләүдә, тормышка әзерләүдә ирешкән казанышларыгыз өчен рәхмәт әйтәбез, диде мәгариф министры.
25.04 14:28

(Казан, 25 апрель, “Татар-информ”, Ләйлә Хәкимова). Бүген Муса Җәлил исемендәге Опера һәм балет театрында Туган тел форумы узды. Чарада Татарстан мәгариф һәм фән министры Рафис Борһанов Ризаэтдин Фәхретдин һәм Каюм Насыйри исемендәге премиягә лаек булган җиңүчеләрне бүләкләде.

“Безнең әби-бабаларыбыз сугышта җаннарын бирер алдыннан татар телендә актык сүзләрен әйткәннәр. Бу телдә алар берсенә-берсенә мәхәббәт сүзләре аңлатканнар, ярату хисләрен белдергәннәр. Татар телен, гореф-гадәтләребезне саклау - безнең изге бурычыбыз. Бәйгенең төп максаты – татар телен саклау һәм үстерү, аны дөньякүләм дәрәҗәгә күтәрү, туган телгә, әдәбиятка, сәнгатькә карата кызыксыну уяту, ихтирам хисләре тәрбияләү иде. Без моңа ирештек, дип саныйм”, - диде Рафис Борһанов.

Мәгариф министры мөгәллимнәргә ТР Президенты Рөстәм Миңнеханов исеменнән рәхмәт сүзләре дә җиткерде. “Барыгызга да корычтай нык сәламәтлек, эшегездә зур уңышлар телим. Яшь буынны тәрбияләүдә, тормышка әзерләүдә ирешкән казанышларыгыз өчен рәхмәт әйтәбез”, - диде ул.

Каюм Насыйри исемдәге премиягә - Лаеш муниципаль районы мәктәбе, Казан шәһәре Совет районының 413нче балалар бакчасының өлкән тәрбиячесе Кафия Закирова лаек булды.

Быел Ризаэтдин Фәхретдин исемендәге премия Казанның 96нчы мәктәбендә татар теле һәм әдәбиятын укытучы Тарһанова Гүзәлия Инсаф кызына тапшырылды. 

КӨН ҮЗӘГЕНДӘ

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.

Туристларга Казанда милли сәнгать белән танышу кызыклы - Гөлчәчәк Нәҗипова

Футбол буенча дөнья чемпионаты көннәрендә Татарстан музейлары программасына багышланган матбугат конференциясе үтте.

Айдар Галимов: Туган телебез яхшы якка бармый, бетүгә таба бара

“Без, кызганычка каршы, барыбыз да шуңа өлеш кертәбез”, - ди җырчы.

Россия Көрәш федерациясе аккредитациясен 2020 елга кадәр озайттылар

Мәскәүдә Россиядәге иҗтимагый спорт оешмаларын аккредитацияләү комиссиясенең чираттагы утырышы узды.