Сәясәт

Ф.Мөхәммәтшин: Милли телләр югалмавына ышаныч тудырган карар табарбыз, дип уйлыйм

«Татарстанда рус теле татар теленә каршы куелырга тиеш түгел»,- диде Дәүләт Советы рәисе.
25.04 16:40

(Казан, 25 апрель, «Татар-информ», Гөлнар Гарифуллина). «Якындагы берничә дистә елда республикаларның милли телләре югалмавына ышаныч тудырган карар табарбыз, дип уйлыйм», - дип белдерде Татарстанның Дәүләт Советы рәисе Фәрит Мөхәммәтшин бүгенге парламент утырышында.

Искәртеп үтик, бүген туган телләрне укытуга белән бәйле федераль закон проекты буенча сессия утырышында шактый ялкынлы чыгышлар булды.

Фәрит Мөхәммәтшин тел мәсьәләсендә федераль үзәк белән карар табарга кирәклеген билгеләп узды. «Федераль үзәк белән берлектә, Россиянең төрле милләтләре телләрен дә саклап кала торган, рус телен дә кимсетми торган карар табарга кирәк», - диде.

Мөрәҗәгатьнең тексты турында ул: «Тулаем алганда, бу сорау болай яңгырарга тиеш түгел, Татарстанда рус теле татар теленә каршы куелырга тиеш түгел, бу хакта түгел бит сүз. Рус телен кыскарту бәрабәренә татар телен өйрәтү турында бармый. Безнең акыллылыгыбыз шунда булачак: Россия Мәгариф министрлыгы һәм Дәүләт Думасыннан коллегалар белән, республикаларыбызда туган телләрне өйрәнә алырлык һәм милли республикаларның милли телләре якындагы дистә елларда югалмавына ышаныч тудырган карар табарбыз дип уйлыйм», - диде.

Фәрит Мөхәммәтшин закон проекты буенча Дәүләт Думасы рәисе Вячеслав Володинга, Россиядәге күп милләтләрнең бер-берсенә карата хөрмәт, татулыгын саклап калу хакына бу мәсьәләне яңадан карау тәкъдим ителгәнен белдерде. Рус телле сайлаучыларга мөрәҗәгать итеп, ул: «Бернинди кимсетү, кыерсыту да юк. Татар телен укыту рус теле сәгатьләрен киметү бәрабәренә булмаячак», - дип ул фикер алышуларда катнашучыларга рәхмәтен җиткерде.

Фәрит Мөхәммәтшин бу мәсьәлә буенча Якутия, Кавказдан да мөрәҗәгатьләр килүен билгеләп узды.

 

 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.