Сәясәт

Р.Ногманов туган телләр мәсьәләсендә җәмәгатьчелек фикеренә дә колак салырлар дип өметләнә

Туган тел язмышы барыбызның да бәгыренә тиде, диде депутат.
25.04 16:37

(Казан, 25 апрель, «Татар-информ», Гөлнар Гарифуллина). Туган телләрне укыту мәсьәләсендә җәмәгатьчелек фикеренә дә колак салырлар, дип өметләнәбез. Татарстан Дәүләт Советы депутаты Рафил Ногманов бүген парламент утырышында шулай дип белдерде.

Искәртеп үтик, бүген сессиядә Татарстан депатутларының туган телләрне укытуга кагылышлы федераль закон проектына карата Дәүләт Думасына мөрәҗәгате кабул ителде.

«Прокуратура тикшерде, инде барысы да аңлашылды, нокта куелды кебек иде. Барлык таләпләр үтәлде генә дигәндә, яңа федераль закон проекты әзерләнеп, яңа дулкын башланды. Бу сораулар халыкта борчу тудыра. Без бу мәсьәләләрдә сак эш итәргә тиеш. Безнең фикерләр исәпкә алыныр, җәмәгатьчелек фикеренә дә колак салырлар, дип өметләнәбез», - диде Рафил Ногманов.

Аның сүзләренчә, иң кызыгы закон проекты өчен Чувашстан, Чечнядан депутатлар чыга. «Нигә алар үз таләпләрен билгели башлады? Нигә туган телләрне пычак астына кертеп, төп укыту планыннан алуны сорыйлар. Безнең белән беркем киңәшләшми, исәпләшми. Россия, Татарстан Конституцияләре бар бит. Михил Викторович «барлык сораулар хәл ителде» дип юатты, тынычландырды, ә безне алдадылар булып чыга. Гарьләндерә, халык өчен дә гарьләнәм. Украинада рус телен кысрыклаганда, без, татарлар, болай эшләргә ярамый дибез. Ә үзебездә Россиядә үк әллә ниләр эшләп ятабыз. Безне ишетергә тиешләр. Россиянең болай да проблемалары бар, ә бүген яңа проблемалар чыгарып ятабыз», - дип белдерде Рафил Ногманов.

«Туган тел язмышы барыбызның да бәгыренә тиде. Бөек Тукайның телен яклап чыгыйк. Яшәсен татар теле!» - дип Рафил Ногманов тел мәсьәләсе белән җитди шөгыльләнергә вакыт җиткәнен ассызыклады.

 

 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.

«Ак Барс» оешмасы Идел буе округында арзанлы суднолар лизингы буенча проект гамәлгә ашыра

Компаниянең партнеры "Сбербанк" була, проект 2 миллиард сумга бәяләнә.