Сәясәт

Илшат Әминов закон проекты авторларының туган телләргә хөкем чыгарганын әйтте

"Дәшми калу мөмкин булмаган, дәшмәү теләктәшлек итү, килешүгә тәңгәл очраклар була", - диде депутат.
25.04 17:09

(Казан, 25 апрель, «Татар-информ», Гөлнар Гарифуллина). Татарстанның Дәүләт Советы депутаты, «Татарстан – Яңа гасыр» телерадиокомпаниясе генераль директоры Илшат Әминов фикеренчә, Дәүләт Думасы депутатлары закон проекты белән туган телләргә хөкем чыгарган. Бу фикерен ул бүген туган телләрне ирекле өйрәнү турында закон проекты буенча фикер алышу барышында җиткерде.

Илшат Әминов, дәүләт телләрен өйрәнү проблемасының бар кешегә дә, шул исәптән, депутатларга да хаталары һәм кимчелекләрен күрсәткәнен таныды. «Яшерен-батырын түгел, без эленке-салынкы йөреп, дәүләт телләрен ныгыту, аларны үстерү әһәмиятен аңлату белән җитәрлек шөгыльләнмәдек. Тарихтан сабак безгә аз булган дигән сүз. Без СССР һәм 90нчы елларны оныттык. Без күп милләтле дәүләттә тормыш тигезлеге дигән төшенчәне оныттык: тел плюс мәдәният үзара хөрмәт һәм үзара аңлашуга тәңгәл», - дип Илшат Әминов Россиядә рус теле милләтара аралашу, бөек мәдәни тел һәм дәүләт теле буларак өйрәнелүен билгеләп узды. «Россиянең күпчелек халыклары өчен ул туган тел булып санала. Милли республикаларда яшәүче халыклар икенче дәүләт телен хөрмәт һәм аңлау йөзеннән өйрәнә. Без татар, башкорт, чечен һәм башка телләрне өйрәнү җиңел булмавын яхшы аңлыйбыз, әмма Россияне бүтәнчә бөек ил итеп булмый», - диде.

Илшат Әминов рус халкының бөек миссиясе, төрле милләт кешеләрен берләштерү һәм ватаныбыз чәчәк ату хакына халыклар бердәмлеген ныгыту булуын билгеләп үтте. «Кешеләр бу миссияне аңларга тиеш. Республикаларның дәүләт телләрен өйрәнү мәсьәләсе – телим яки теләмим, ошый-ошамый, тәмле-тәмсез режимында хәл итеп була торган көндәлек мәсьәлә түгел», - диде.

Депутат Россия гимнында халыкларның гасырлар буе килгән берлеге турында сүз баруын, бу берлекне үзара хөрмәткә нигезләнеп кенә төзеп булуын әйтте. «Бу җимереп булмаслык иң яхшы фундамент. Бердәм Россия җәмгыятен Россия халыкларының мәдәниятләренең үзара аңлашуы аша гына булдырырга мөмкин. Россия халыклары телләрен тирәннән өйрәнеп, без Россия дәүләтен ныгытабыз», - диде.

Әминов моңа кадәр Татарстанда тел проблемасын кискенләштермәү өчен тырышлык куелуын билгеләп узды. «Барысы да бу мәсьәләне тыныч кына, ипләп кенә хәл итәргә теләде. Әмма инде дәшми калу мөмкин булмаган, дәшмәү теләктәшлек итү, килешүгә тәңгәл очраклар була. Нәтиҗәдә нәрсә килеп чыкты? Безне ишетмәделәр. Бертөркем Дәүләт Думасы депутатлары телләрне өйрәнүне факультатив дәрәҗәдә калдыру буенча яшерен генә закон проектын керткән. Моны алар явыз нияттән түгел, уйлап бетермичә генә шулай туган телләргә хөкем чыгарганнар, дип уйларга гына кала», - дип белдерде Илшат Әминов.

 

КӨН ҮЗӘГЕНДӘ

18 августның төп вакыйгалары - фото һәм сылтамалар

М.Шәймиев пенсия реформасының котылгысыз булуын әйтте, Р.Миңнеханов Мәскәүдә сәнгать осталары концертын карады, Оренбургта "Мулла" фильмын күрсәтәләр.

Оренбургта "Мулла" фильмы күрсәтеләчәк

Кинотасма "Восток&Запад" кинофестивалендә тәкъдим ителә.

Минтимер Шәймиев пенсия реформасына карата фикерен җиткерде

Ул реформаның котылгысыз булуын билгеләп узды.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Кызыл Байрак авылында композитор Салих Сәйдәшевне искә алдылар

“Сәйдәш аланы” дип исемләнгән сәнгать бәйрәме быел ундүртенче тапкыр үткәрелә.