Сәясәт, Татар дөньясы

Рафил Ногманов Михаил Бабичны тел мәсьәләсе буенча алдауда гаепләде

Депутат: "Михаил Викторович «барлык сораулар хәл ителде» дип юаткан иде, ә безне алдадылар булып чыга", - дип белдерде.
25.04 20:17

(Казан, 25 апрель, "Татар-информ", Гөлнар Гарифуллина). Татарстанның Дәүләт Советы депутаты Рафил Ногманов Россия Федерациясе Президентының Идел буе федераль округындагы Тулы вәкаләтле вәкиле Михаил Бабичка карата тәнкыйть сүзләрен белдерде. Бу хакта ул бүген парламент утырышында туган телләрне укыту турында закон проекты буенча фикер алышулар барышында әйтте.

 

"Михаил Викторович «барлык сораулар хәл ителде» дип юаткан иде, безне, җәмәгатьчелекне тынычландырды, ә безне алдадылар булып чыга. Гарьләндерә - күп миләтле ил, халык өчен дә", - ди ул.

"Балтыйк буенда, Украинада рус телен кысрыклаганда, без, татарлар, болай эшләргә ярамый дибез. Ә үзебездә Россиядә үк әллә ниләр эшләп ятабыз. Мин моны аңламыйм. Безне ишетергә тиешләр. Россиянең болай да проблемалары бар, ә бүген яңа проблемалар чыгарып ятабыз", - дип белдерде Рафил Ногманов.

Туган телләрне ирекле рәвештә укыту турында закон проектын Дәүләт Думасына керткән депутатларны ул бөтенләй аңламавын әйтте. "Бәлки безгә шул депутатларга да мөрәҗәгать итәргә кирәктер? Нигә алар үз таләпләрен куя? Нигә туган телләрне пычак астына кертеп, төп укыту планыннан алуны сорыйлар. Безнең фикерне беркем сорамый, безнең белән беркем киңәшләшми, исәпләшми", - дип ул Татарстан җитәкчелегенең тел мәсьәләсе белән җитди шөгыльләнүен сорады.

 

 

КӨН ҮЗӘГЕНДӘ

20 августның төп вакыйгалары - фото һәм сылтамалар

Камил хәзрәт Сәмигуллин Корбан бәйрәме белән котлады, Татарстанда бөртекле һәм кузаклы культураларның 60 проценттан артыгы суктырылды.

Мәскәүдә Әлфия Авзалова истәлегенә концерт булды

Сәхнәдә Венера Ганиева, Марсель Вагыйзов, Алинә Шәрипҗанова, Илнар Миранов, Татарстан Дәүләт җыр һәм бию ансамбле артистлары чыгыш ясады.

Разил Вәлиев яшь укытучылар белән очрашуда туган телне ничек сакларга икәнен әйтте

“Чит телләр белү – байлык, туган телеңне белү – бәхет ул”, - диде Разил Вәлиев.

Васил Шәйхразиев "Татар моңы" бәйгесенең киләчәге булыр дип ышана

Камал театрындагы тамашаны Зөлфәт Зиннуров һәм Роза Әдиятуллина, Замирə Рəҗəпова һəм Ришат Əхмəдуллин алып бара.

"Татар моңы" бәйгесенең өч хөкемдарына халык артисты исеме бирелде

Г.Камал исемендәге театрда "Татар моңы" Халыкара яшь башкаручылар телевизион конкурсының гала-концерты бара.