Сәясәт

Телне куллану иреклелеген өйрәнү иреклелеге белән алмаштырырга җыеналар кебек - депутат

"Республиканың дәүләт теле бөтенләй башка проблема, ул туган тел белән бәйле түгел", - ди Марат Галиев.
25.04 21:27

 

(Казан, 25 апрель, "Татар-информ", Гөлнар Гарифуллина). Татарстан Дәүләт Советы депутаты Марат Галиев фикеренчә, телне куллану иреклелеген аны укыту иреклелеге белән алмаштырырга ярамый. Бу хакта ул бүген Дәүләт Советы утырышында туган телләрне укыту турында закон проекты буенча фикер алышулар барышында әйтте.

"Бу - четерекле мәсьәлә", - дип Марат Галиев күп кенә дәүләтләрнең бу проблемага абынып егылганы булуын билгеләп узды. Швейцария, Бельгиядә дә шундый проблемалар булганын шәрехләде.

"Россия Федерациясендә төрле фикерләр бар. Кемнәрдер, әгәр республикаларның телләрен мәҗбүригә әйләндерсәк, бу Россиянең бөтенлегенә куркыныч тудыра, дип уйлый. Дәүләт телләрен алып ташласак, бу илнең тизрәк таркалуына китерәчәк, дигән фикер дә бар. Нинди генә закон кабул итәргә алынсак та, Конституция исәпкә алынырга тиеш", - ди депутат.

Аның фикеренчә, Россия Федерациясенең белем бирү стандартлары, бу мәсьәләне хәл итү вәкаләтләрен субъектлар карамагына тапшырырга тиеш дип саный. "Дәүләт теле республикада ике яки күбрәк булса, ничек ихтыяри булсын инде ул?! Минемчә, укытуның иреклелеген кулланыш иреклелегенә тәңгәлләштерергә җыеналар кебек. Бу төшенчәләрне бутарга ярамый. Телне өйрәнүнең ихтыярилыгы аны куллану иреклелеген алмаштыра алмый. Илнең дәүләт теле, туган тел, республиканың дәүләт теле дигән төшенчәләр бар. Республиканың дәүләт теле туган тел белән алмашына. Федераль үзәк бу төшенчәләргә ачыклык кертергә тиеш. Республиканың дәүләт теле бөтенләй башка проблема, ул туган тел белән бәйле түгел", - ди Марат Галиев.

 

КӨН ҮЗӘГЕНДӘ

Киләсе елга хаҗ кылу өчен килешүләр төзи башлаганнар

2018 елда “ДУМ РТ ХАҖ” программасы аша 1800 кеше хаҗ сәфәренә барган.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов

Роспотребнадзор прививкалардан баш тартмаска өнди

Яр Чаллыда ике бала кызамык белән чирли дигән шик туганга, вакцинация үткәрелә.