Сәясәт

Х.Миргалимов туган телләрне ирекле укыту буенча закон проектына катгый "юк!" дияргә өндәде

Аның сүзләренә караганда, тел мәсьәләсен хәл итү имтиханнарны җиңеләйтү һәм татар телен укыту методикасын үзгәртүгә бәйле.
26.04 07:48

(Казан, 26 апрель, "Татар-информ", Гөлнар Гарифуллина). Татарстанда КПРФ фракциясе җитәкчесе Хафиз Миргалимов Дәүләт Советы утырышында туган телләрне ирекле укытуга кагылышлы закон проектына карата фикерен белдерде.

Ул, Ленин хезмәтләрендә, демократик дәүләтнең туган телләр үсешенә шартлар тудырырга тиешлеге турында язылуын искәртте. "Халыклар, берләшеп, катгый рәвештә "Юк!" дияргә тиеш. Минемчә, бу провокацион закон түгел, ә Россия, шул исәптән, Татарстанның күп милләтле халкы үсешенә җавап бирми торган закон", - диде.

Хафиз Миргалимов мәктәпләрдә татар телен өйрәнү программасын бер көн дә укытып карамаган профессорлар язуын, ә 25 ел стажы булган укытучылар фикере исәпкә алынмавын билгеләп үтте.

"Төбәк, милли компонентны алгач, җиңеләйтелгән программа кирәк иде. 9нчы класста имтиханны җиңеләйтергә кирәк иде. Шул вакытта методиканы үзгәрткән булсак... Мәктәпләрдә татар телен өйрәнү программасын бер көн дә укытып карамаган профессорлар яза, 25 ел стажы булган укытучыларны җыеп, совет ясыйсы иде", - диде ул. Аның сүзләренә караганда, тел мәсьәләсен хәл итү имтиханнарны җиңеләйтү һәм татар телен укыту методикасын үзгәртүгә бәйле. Ул депутатларга мөрәҗәгать итеп: "Сез кая ашыгасыз соң? Без 5 елга сайланган. Закон кабул итәбез - ашыгабыз, бюджет кабул итәбез - ашыгабыз", - диде.

Хәзерге вакытта балаларның татар телен өйрәнүгә стимулы булмавын билгеләп узды. "Социаль челтәрләр белән мавыгу зур, өстәвенә әти-әниләр дә өйдә татарча сөйләшми", - диде.

"Мәдәният, тел, традицияләр һәм гореф-гадәтләр белән Мәскәүдән идарә итәргә ярамый. Бу сораулар белән федерация субъектлары шөгыльләнергә тиеш. Мин моны Мәскәү тарафыннан телебезгә карата санкция дияр идем", - ди Хафиз Миргалимов.

 

КӨН ҮЗӘГЕНДӘ

Татарстан мөфтие туган телләрне саклау турында Путинга петицияне хуплады

Камил хәзрәт Сәмигуллин ватандашларны Россия халыкларының туган телләрен укытуны саклау өчен мөрәҗәгатьне якларга чакыра.

Васил Шәйхразиев Алтай краенда Сабан туе мәйданы белән танышты

Алтай краеның Алтай районы “Бирюзовая Катунь” махсус икътисади зонасында 17 июньдә Сабан туе узачак.

Татарстанда гражданнарга бушлай юридик ярдәм күрсәтү системасында 148 адвокат катнаша

Бушлай юридик ярдәм күрсәтүдә дәүләт һәм дәүләти булмаган система бар.

Милли шура рәисе Алтай крае хөкүмәте вәкилләре белән очрашты

12 июнь көнне Алтайда Сабан туе узачак территориядә зур фольклор бәйрәме була.

Татарстанның иң кечкенә мәчетләренең берсендә ифтарга 50 мөселман җыелды

Мәскәү татарлары “Штабы” Әгерҗе районы Кызыл Наратлык авылындагы “Сәҗдә” мәчетендә ифтар оештырды.