Сәясәт, Татар дөньясы

Рәүфәл Мөхәммәтҗанов татар телен өйрәтүнең билгеле бер стандарты кирәк, дип саный

"Татарларның тел үсешен чикләүне аңлап булмый", - ди депутат.
26.04 08:25

(Казан, 26 апрель, "Татар-информ", Гөлнар Гарифуллина). Татарстанның Дәүләт Советы депутаты, М.Җәлил исемендәге Татар дәүләт опера һәм балет театры директоры Рәүфәл Мөхәммәтҗанов татар телен өйрәтүнең билгеле бер стандарты кирәк, дип саный. Бу хакта ул бүген Дәүләт Советы утырышында туган телләрне укыту турында закон проекты буенча фикер алышуда белдерде.

Ул бүген тел үсешендә җитди чикләүләр күзәтелүен билгеләп узды. Рус телендә дә сүзләрнең югала баруын, кайсыларының чит тел сүзләре белән алмашынуын әйтте.

"Мең ел рухи мәдәнияте булган татарларның тел үсешен чикләүне аңлап булмый. Ахыр чиктә, дөньяны танып белү өчен кеше үзе тел сайлый. Безнең бурыч - татар теле үсеше өчен тулы шартлар тудыру. Яшьләрнең, дәүләт теле белән беррәттән, үз туган телен өйрәнү хокукы да булырга тиеш. Татар телен өйрәнүнең билгеле бер стандарты турында сүз бара, чөнки мәгълүмат туплау, белем алу нәкъ менә мәктәп чорында бара. Аларның бер өлеше рухи мәдәният тарафдарлары булачак. Без бүгенге вәкилләргә алмашка кем килүен аңларга тиеш. Факультативка караганда, стандарт кирәклеге бәхәссез. Стандарт методикаларны камилләштерүне күздә тота", - диде Рәүфәл Мөхәммәтҗанов. 

КӨН ҮЗӘГЕНДӘ

Киләсе елга хаҗ кылу өчен килешүләр төзи башлаганнар

2018 елда “ДУМ РТ ХАҖ” программасы аша 1800 кеше хаҗ сәфәренә барган.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов

Роспотребнадзор прививкалардан баш тартмаска өнди

Яр Чаллыда ике бала кызамык белән чирли дигән шик туганга, вакцинация үткәрелә.