Җәмгыять, Авыл, Мәдәният, Спорт

Татарстанда авыл хуҗалыгы җирләрен максатка ярашлы кулланмыйлар – Россельхознадзор

Узган ел республикада чүп үләне үскән 36 мең гектар җир мәйданы ачыкланган.
26.04 15:49

(Казан, 26 апрель, “Татар-информ”, Чулпан Шакирова). Татарстанда авыл хуҗалыгы җирләрен максатка ярашлы кулланмау проблемасы бар. Бу хакта бүген Россельхознадзорның Татарстан идарәсендә 2018 елның беренче кварталы буенча контроль-күзәтчелек эшчәнлегенә йомгак буларак халык тыңлаулары вакытында билгеле булды.

“Авыл хуҗалыгы җирләрен максатка ярашлы кулланмау, анда чүп үләннәре һәм агач-куак үстерү проблемасы бүген дә актуаль кала бирә”, - диде ТР Россельхознадзор идарәсе җитәкчесе урынбарсаы Ленар Фәттерахманов.

Аның сүзләренчә, 2017 елда авыл хуҗалыгы җирләрен дөрес кулланмаган 36 мең гектар мәйдан ачыкланган.

“Елның икенче кварталында, районнарның авыл хуҗалыгы идарәләре һәм җир һәм милек мөнәсәбәтләре палатасы белән бергә, барлык җирләрнең нинди максатта кулланылышын тикшерәчәкбез”, – диде урынбасар.

Ленар Фаттерахманов бүгенгә теркәләгән тикшерү нәтиҗәләре белән дә таныштырды.

“Быел Биектау районының “Ватан” ҖЧҖ авыл хуҗалыгы предприятиясенә планнан тыш тикшерү барышында, авыл хуҗалыгы җирен тиешенчә файлананмау факты ачыкланды. Җәмгыять административ җаваплылыкка тартылды һәм әлеге тәртип бозуны төзәтергә боерык төзелде. Моннан тыш, әлеге тәртип бозу очрагы сәбәпле, җир хуҗасыннан алынырга да хаклы”, - диде Фәттерахманов.

Исегезгә төшерик, бүген ТР Россельхознадзор идарәсенең беренче кварталы буенча хисап-коллегия утырышы узды. Анда ТР авыл хуҗалыгы министрының беренче урынбасары Николай Титов, Россельхознадзорның үзәк аппараты вәкиле – Түбән Новгород өлкәсе һәм Мари Эл республикасы буенча территориаль идарә җитәкчесе Игорь Ивашин, ТР Фермерлар һәм крестьян хуҗалыклар ассоциациясе рәисе Камияр Байтимеров, ТР районара табигатьне саклау прокуроры Илсур Гыйльметдинов һәм ТР Баш ветеринария идарәсе башлыгы урынбасары Габделхак Мотыйгуллин чыгыш ясады. Киңәшмәдә шулай ук федераль һәм республика структурасы, прокуратура, Экология министрлыгы, кулланучылар хокуклары яклау идарәсе, Сәүдә-сәнагать палатасы, Баш ветеринария һәм Россельхознадзор идарәсе белгечләре – барлыгы 200 кеше катнашты.

"Татар-информ” Татарстанның сөт эшкәртү предприятиеләрендә биш төрле тәртип бозу очрагы табылган дип хәбәр иткән иде.
 

КӨН ҮЗӘГЕНДӘ

23 майның төп вакыйгалары - фото һәм сылтамалар

Сессиядә туган телләрне укыту турында закон проектын карауны тәкъдим итәчәкләр, Рөстәм Миңнеханов Түбән Камада Химиклар көнен бәйрәм итүдә катнашты.

Фәрит Мөхәммәтшин татарстанлыларны Cлавян язуы һәм мәдәнияте көне белән котлады

"Cлавян язуы һәм мәдәнияте көне җәмгыятьтә үзара аңлашуга тагын бер адым булачагына ышанам”, - диелгән котлауда.

Васил Шәйхразиев Барнаулның Җәмигъ мәчетендә ифтар мәҗлесендә катнашты

Милли Шура рәисе Алтай крае дини һәм милли оешмаларның, гыйбадәт йортларының эшчәнлеге белән танышты.

Татарстан Дәүләт Киңәшчесенә Казан Мәрьям Ана иконасы соборының интерьерын тәкъдим иттеләр

Минтимер Шәймиев Казан Мәрьям Ана иконасы соборының төзелеше белән танышты.