Сәясәт

А.Хәбибуллин хөкемгә тартылган кешегә Татарстанда дәүләт бүләге бирелмәячәген хәбәр итте

Татарстан Дәүләт Советы дәүләт бүләкләре турында республика законына үзгәрешләр кертте.
26.04 17:17

(Казан, 26 апрель, “Татар-информ”, Гөлнар Гарифуллина). Татарстан Дәүләт Советы дәүләт бүләкләре турында республика законына үзгәрешләр кертте. Аның нигезендә, кешене суд хөкем иткән булса, бу - дәүләт бүләкләре бирмәү өчен сәбәп була ала. Бу хакта закон проекты кичә беренче укылышта һәм тулаем кабул ителде.

Парламентның дәүләт корылышы һәм җирле үзидарә буенча комитет рәисе Альберт Хәбибуллин закон проектының дәүләт бүләкләре бирү процедурасына төзәтмәләр кертү белән бәйле булуын билгеләп узды. Закон проектының федераль закон белән тәңгәлләштерү кирәк булганга кертелүен әйтте. Альберт Хәбибуллин, моңа кадәр, җинаять кылган өчен хөкемгә тартылу дәүләт бүләгенә тәкъдим итүгә киртә булып килгәнен искәртте. Әлеге закон проекты буенча исә, дәүләт бүләгенә тәкъдим ителгән кешегә карата җинаять эше кузгатылса да яки ул җинаять эше буенча гаепләнүче сыйфатында каралса да, бүләккә тәкъдим ителми. “Законның яңа редакциясендә, аклау хөкеме чыгарылса, җинаять эзәрлекләве туктаса яки реабилитация буенча гаепләү карары гамәлдән чыгарылса, дәүләт бүләгенә кабаттан тәкъдим итү мөмкинлеге тудырыла”, - дип белдерде Альберт Хәбибуллин.

Хәзерге вакытта, әгәр бүләкләү сәбәпсез дип табылса, бүләккә тәкъдим итү кире кагылырга да мөмкин. Парламентарийлар законда бүләкләү турында указны гамәлдән чыгару өчен бер сәбәпне генә үзгәрешсез саклап калырга тәкъдим итә – бүләкләүгә тәкъдим итүгә керткән документларда белешмәләрнең дөрес булмавы.

Закон проекты имзалауга ТР Президентына юлланды.

 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.