Сәясәт

Валентина Матвиенко Фәрит Мөхәммәтшинны Россия парламентаризмы көне белән котлады

Россия парламентарийлары 27 апрельне истәлекле көн генә түгел, үзләренең һөнәри бәйрәмнәре дип тә саный.
27.04 10:06

(Казан, 27 апрель, «Татар-информ»). РФ Федераль Җыены Федерация Советы рәисе бүген билгеләп үтелә торган Россия парламентаризмы көне уңаеннан ТР Дәүләт Советы Рәисе Фәрит Мөхәммәтшин адресына котлау телеграммасы юллаган. Бу хакта Татарстан парламенты матбугат хезмәте хәбәр итә.

Телеграммада әйтелгәнчә, Россия парламентарийлары 27 апрельне истәлекле көн генә түгел, үзләренең һөнәри бәйрәмнәре дип тә саный. 25 ел эчендә ил үсеше, гражданнарның социаль-икътисади иминлеген ныгыту, дәүләтнең территориаль бөтенлеген тәэмин итү, гражданнар җәмгыятен формалаштыру өчен ныклы норматив-хокукый база булдырылган.

«Төбәк закон чыгару органнарын, иҗтимагый берләшмәләр һәм гражданнарны федераль закон чыгару процессына җәлеп итү өчен күп нәрсә эшләнде. Боларның барысы да Россиядә сәяси һәм хокукый культура, халык хакимияте традицияләрен үстерүгә ярдәм итә», - диелә телеграммада.

Матвиенко барлык дәрәҗәдәге закон чыгару хакимият органнарының алга таба да бергәләп эшләве тиешле нәтиҗә бирәчәгенә, җәмгыять һәм дәүләттә демократик кыйммәтләрнең формалашуы һәм үсешенә ярдәм итәчәгенә ышаныч белдергән.  

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.