Фән һәм мәгариф

Р.Миңнеханов һәм Истанбул медуниверситеты ректоры студентлар алмашу турында фикерләштеләр

Югары уку йортының Төркиядән читтә дә филиаллар ачу, диплом программаларын кертү хокукы бар.
27.04 18:03

(Казан, 27 апрель, “Татар-информ”). Төркиягә эшлекле сәфәр кысаларында Татарстан Республикасы Президенты Рөстәм Миңнеханов бүген Истанбул медицина фәннәре университеты ректоры Җәүдәт Эрдөлем белән очрашып, студентлар алмашу турында фикерләште. Бу хакта Татарстан Президенты матбугат хезмәте хәбәр итә.

Рөстәм Миңнеханов һәм Җәүдәт Эрдөлем мәгариф һәм сәламәтлек саклау өлкәсендә хезмәттәшлек мөмкинлекләре турында да сөйләшкән.

Әлеге университеты составында 20 фәнни-тикшеренү үзәге һәм аңа бәйле хастаханәләр челтәре бар. Бүген университетта 5,5 мең студент белем ала. Югары уку йортының Төркиядән читтә дә филиаллар ачу, диплом программаларын кертү хокукы бар.

Шулай ук "Эйдос-Медицина" ҖЧҖ һәм Истанбул медицина фәннәре университеты арасында медик симуляторларны куллану өлкәсендә багланышларны үстерүгә юнәлдерелгән ниятләр турында беркетмә имзаланды.

 

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.