Фән һәм мәгариф

Әгерҗедә яшь укытучылар форумы узды

Форумда “Кешенең уңышка юлы“ дигән темага сөйләшү алып бардылар.
28.04 07:00

(Әгерҗе, 28 апрель, “Татар-информ“, "Әгерҗе хәбәрләре", Екатерина Самсонова).Әгерҗедә яшь педагоглар “Уңышка юл“ дигән форумда катнаштылар. Анда Әгерҗедән генә түгел, Удмуртиянең Кече Пурга районыннан, Чаллы, Алабуга университетларыннан, Можга педагогия көллиятеннән мөгаллимнәр катнашты. Яшь хезмәттәшләренең эшләренә бәя бирергә укыту-тәрбия эшләре буенча директор урынбасарлары да килгән иде, дип яза җирле басма.

Форумга старт бирелгәнче 3нче мәктәпнең укучылар һәм укытучылары Толстой елына багышланган театраль күренеш күрсәттеләр.

Яшь педагогларны район башкарма комитеты җитәкчесе урынбасары Римма Гыйльметдинова һәм мәгариф идарәсе начальнигы Вәсилә Сафиуллина сәламләделәр.

Аннан соң иң мавыктыргыч өлеш башланды. Яшь мөгаллимнәр командалары бәхәскә төрле өлкәләрдә уңыш яулаган һөнәри лидерларны дәшкәннәр иде. Алар “Кешенең уңышка юлы“ дигән темага сөйләшү алып бардылар. Районның яшь педагоглар советы рәисе Кристина Коробейникова лидерларга карьера, гаилә һәм башка юнәлешләр буенча сораулар бирде. Мәсәлән, Россиядә хатын-кыз Президент – чынбарлыкмы? Сез ашарга әзерли беләсезме? Хәзерге заманда дефицит әйбер нәрсә ул? дигән сорауларга бик мәгънәле җаваплар алынды.

Соңыннан яшь укытучылар мастер-классларда катнаштылар.

 

 

 

 

 

 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.