Сәясәт

Фәрит Мөхәммәтшин Гатчинода тарихи һәйкәлләрне саклау тәҗрибәсе белән танышты

Татарстан Дәүләт Советы рәисе Гатчино районы җитәкчелегенә Татарстан районнарының берсе белән килешү имзалау мөмкинлеген карауны тәкъдим итте.
28.04 16:47

(Казан, 28 апрель, “Татар-информ”). Татарстан Республикасы Дәүләт Советы рәисе Фәрит Мөхәммәтшин Санкт-Петербургта Ленинград өлкәсе Гатчино районында XVIII гасыр ахырында төзелгән Павлов сарай-музее мисалында тарихи һәйкәлләрне реставрацияләүдә муниципалитет тәҗрибәсе белән танышты. Бу хакта Татарстан Республикасы Дәүләт Советы матбугат хезмәте хәбәр итә.

Фәрит Мөхәммәтшин Гатчинога эшлекле сәфәре кысаларында район башлыгы Елена Любушкина һәм муниципалитет депутатлары советы рәисе Андрей Ильин белән очрашты. ЮНЕСКО саклавында булган Павлов сарай-музеен караганнан соң, яклар тарихи объектларны саклау буенча тәҗрибә алышу мөмкинлеге хакында фикер алышты.

Районара дәрәҗәдә тыгыз элемтә булдыру өчен, Татарстан Республикасы Дәүләт Советы рәисе Гатчино районы җитәкчелегенә Татарстан районнарының берсе белән килешү имзалау мөмкинлеген карауны тәкъдим итте. Андый тәҗрибә инде бар. 2013 елда Ленинград өлкәсенең Тосненский районы һәм Татарстанның Арча районы арасында мәдәни һәм икътисади хезмәттәшлек буенча төзелгән килешү нигезендә бүген дә актив эш бара.

Республика Парламенты җитәкчесе очрашу ахырында район җитәкчелеген Татарстага чакырды. Рәхмәт әйтеп, Гатчино районы башлыгы республиканың шактый тармаклары үсеше тәҗрибәсе зур кызыксыну тудыруын билгеләп үтте.

Кичен Фәрит Мөхәммәтшинның Санкт-Петербургта Россия чемпионатының ир-атлар арасында волейбол буенча барган финал сериясенең өченче матчында булуы планлаштырыла. Матч “Зенит-Казан” һәм “Зенит” (Санкт-Петербург) командалары арасында узачак.
 

КӨН ҮЗӘГЕНДӘ

20 августның төп вакыйгалары - фото һәм сылтамалар

Камил хәзрәт Сәмигуллин Корбан бәйрәме белән котлады, Татарстанда бөртекле һәм кузаклы культураларның 60 проценттан артыгы суктырылды.

Мәскәүдә Әлфия Авзалова истәлегенә концерт булды

Сәхнәдә Венера Ганиева, Марсель Вагыйзов, Алинә Шәрипҗанова, Илнар Миранов, Татарстан Дәүләт җыр һәм бию ансамбле артистлары чыгыш ясады.

Разил Вәлиев яшь укытучылар белән очрашуда туган телне ничек сакларга икәнен әйтте

“Чит телләр белү – байлык, туган телеңне белү – бәхет ул”, - диде Разил Вәлиев.

Васил Шәйхразиев "Татар моңы" бәйгесенең киләчәге булыр дип ышана

Камал театрындагы тамашаны Зөлфәт Зиннуров һәм Роза Әдиятуллина, Замирə Рəҗəпова һəм Ришат Əхмəдуллин алып бара.

"Татар моңы" бәйгесенең өч хөкемдарына халык артисты исеме бирелде

Г.Камал исемендәге театрда "Татар моңы" Халыкара яшь башкаручылар телевизион конкурсының гала-концерты бара.