Сәясәт

Дәүләт Думасында депутатларның хезмәт хакын кыскартырга тәкъдим иткәннәр

Хөкүмәт әлеге закон проектын хупламады.
28.04 17:27

(Казан, 28 апрель, “Татар-информ”). Дәүләт Думасында сенаторларның һәм депутатларның хезмәт хакын ил буенча 35 мең булган уртача хезмәт хакы белән тигезләргә тәкъдим иттеләр. Закон проекты “Справедливая Россия” лидеры Сергей Миронов һәм әлеге фракция депутаты Олег Нилов тарафыннан кертелгән. Бу хакта РИА Новости хәбәр итә.

Шулай ук проектка парламентарийлар өчен медицина, санатор-курорт, көнкүреш һәм пенсия тәэмин ителеше буенча кайбер дәлилләнмәгән өстенлекләр дә кергән. Бу парламент корпусын тоту чыгымнарын шактый киметәчәк, дип саный закон проекты авторлары.

Хөкүмәт депутат һәм сенаторларның югары хезмәт хакы аларның эшчәнлегенә бәйле дип, әлеге тәкъдимгә каршы чыккан. Хәзерге вакытта закон чыгару процессының катлаулы һәм интенсив булуы сизелерлек артты, дип билгеләп үткән Министрлар Кабинеты.
 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.