Фән һәм мәгариф

Актаныш "Каенкай" нәниләре инглиз телен өйрәнә

3-4 яшьлек сабыйларның инглиз телендә төсләрне әйтүләре, санап күрсәтүләре, үзләренең исемнәрен тулы җөмлә белән атаулары тәрбияченең олы хезмәте.
01.05 07:00

(Актаныш, 1 май, "Татар-информ", "Актаныш таңнары", Әлфия Габделкәбирова). Актаныш районы 6 нчы санлы "Каенкай" балалар бакчасында әлеге юнәлештә эш югары дәрәҗәдә оештырылган, дип яза җирле басма.

Чит телләрне өйрәнү - бүгенге заман таләбе. Бала татар теле белән беррәттән, рус һәм инглиз телендә дә иркен аралашырга, үз фикерен җиткерә белергә тиеш.

Районның 6 нчы санлы "Каенкай" балалар бакчасында әлеге юнәлештә эш югары дәрәҗәдә оештырылган. Бакчага йөрүче нәниләр рус телендә генә түгел,инглиз телендә дә җөмлә төзеп,сорауларга җавап бирә ала. Моның дөреслегенә 2нче кечкенәләр төркеменә йөрүче балалар белән инглиз теле буенча ачык шөгыльне карагач инандым.

Тәрбияче Оксана Измаил кызы Овчинникова әлеге чарага ныклы әзерләнгән: күрсәтмә әсбаплар да,аудиоматериал да яшь үзенчәлеген исәпкә алып сайланган.

"Magic English" дип аталучы түгәрәктә балалар яратып шөгыльләнә. 3-4 яшьлек сабыйларның инглиз телендә төсләрне әйтүләре, санап күрсәтүләре, үзләренең исемнәрен тулы җөмлә белән атаулары тәрбияченең олы хезмәте.

Һәр бала белән иҗади якын килеп, белем һәм тәрбия биргән тәрбияче Оксана Измаил кызына барлык әти-әниләр исемннән зур рәхмәт әйтәбез. Гомумән, 2 нче кечкенәләр төркеме тәрбиячеләре Ландыш Нур кызы Насрыева, Оксана Измаил кызы Овчинникова, тәрбияче ярдәмчесе Ландыш Рәдиф кызы Габдрашитова, төркемгә йөрүче нәниләрнең һәрберсе белән дә уртак тел табып, үз эшләрен югары дәрәҗәдә башкаралар. 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.