Фән һәм мәгариф

Казанда халыкара семинарда педагогларның һөнәри этикасын арттыру турында сүз барачак

Бүген, 4 майда ачылачак семинарны Казан (Идел буе) федераль университеты һәм Г.Камал исемендәге Татар дәүләт академия театры оештырган.
04.05 10:14

(Казан, 4 май, "Татар-информ"). Бүген, 4 майда, Г.Камал исемендәге Татар дәүләт академия театрында халыкара фәнни-методик семинар уза. Семинар театр һәм мәгариф структураларының хезмәттәшлек тәҗрибәсен анализлауга багышланган. Бу хакта ТР Мәдәният министрлыгы хәбәр итә.

Фәнни-методик семинарның темасы - "Театраль педагогика алымнары ярдәмендә укытучыларны һөнәри-этик әзерләү". Семинарны Казан (Идел буе) федераль университеты һәм Г.Камал исемендәге Татар дәүләт академия театры оештырган.

Семинарда педагогларны драматик сәнгать өлкәсеннән хәбәрдар булырга, театр элементларын көндәлек эш тәҗрибәсендә кулланырга өйрәтәчәкләр.

Лаборатория барышында хәзерге заман гомуми белем бирү мәктәбенең төп проблемалары берләштереләчәк һәм драма сәнгатенең төрле аспектлары ярдәмендә әлеге проблемаларны чишү юллары эзләнәчәк.

Чакырылган белгечләр семинар катнашучыларын хәзерге заман театрының уңышлы социаль проектлары белән таныштырачаклар. Лабораториядә Г.Камал исемендәге ТДАТ җитәкчеләре, режиссерлары, актерлары, хезмәткәрләре, КФУ мөгаллимнәре, белем бирү учреждениеләре директорлары чыгыш ясаячак. Семинарда район (шәһәр) белем бирү бүлекләренең 800дән артык методик хезмәт җитәкчеләре, лицейлар, гимназияләр, мәктәп директорлары, педагог-оештыручылар катнаша.

Семинар Н.Исәнбәтнең И.Зәйниев куелышындагы "Миркәй белән Айсылу" спектаклен карау белән тәмамлана.

III Халыкара фәнни-методик семинарның ачылу тантанасы 4 майда 13:00 сәгатьтә Г.Камал исемендәге Татар дәүләт Академия театрының Зур сәхнәсендә уза.

Өстәмә мәгълүматны театрның маркетинг һәм PR буенча бүлегеннән белешеп була, диелә хәбәрдә.

 

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.