Рәсми Татарстан

Рөстәм Миңнеханов Казанда инновацион стоматология клиникасында булды

ТР Президентын дөнья стандартларына туры китереп җиһазландырылган стоматология эшчәнлеге белән таныштырдылар.
04.05 15:17

(Казан, 4 май, «Татар-информ», Егор Никитин). Рөстәм Миңнеханов Казанның «Яңа технологияләр үзәге»ндә булды. Ул дөньякүләм дәрәҗәдәге стоматология белән шөгыльләнә һәм татарстанлыларга мәҗбүри медицина иминияте системасы буенча хезмәт күрсәтә.

Үзәк хезмәткәрләре Президентка үзләренең сайтын күрсәтте. Ул клиникадагы конкрет бер белгечкә үзеңә уңайлы вакытта читтән торып язылырга һәм онлайн режимында консультация алырга мөмкинлек бирә.

Аннары республика лидерына дөнья стандартларына туры китереп җиһазландырылган кабинетны күрсәттеләр. Биредә пациентларга мәҗбүри медицина иминияте полисы буенча хезмәт күрсәтелә. Үзәк узган елның көзеннән бирле эшли һәм түләүсез нигездә 13 меңгә якын кешене кабул итәргә өлгергән инде.

Рөстәм Миңнеханов Татарстанда иң заманча җиһазлар урнаштырылган медицина үзәкләренең барлыкка килүенә уңай бәя бирде. Аларның хезмәтләрен республикада яшәүче һәркем файдалана ала.
 

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.