Фән һәм мәгариф

Путинга Татарстанда “Төбәкләр өчен киләчәк кадрлары” проекты башлануы турында әйттеләр

“Төбәкләр өчен киләчәк кадрлары” стратегик инициативасында беренчеләрдән булып катнашучы һәр субъекттан 500 үсмерне сайлап алалар.
04.05 16:17

(Казан, 4 май, “Татар-информ”). Стратегик инициативалар агентлыгы (АСИ) генераль директоры Светлана Чупшева Россия Президенты Владимир Путинга “Төбәкләр өчен киләчәк кадрлары” проектына сайлап алулар башлануы турында хәбәр итте.

Татарстан беренчеләрдән булып катнашучылар исемлегенә керде. Шулай ук проектта Ульяновск, Мәскәү, Тула һәм Төмән өлкәләре һәм Пермь крае бар. Чупшеваның дәүләт башлыгы белән очрашу стенограммасы Кремль сайтында басылып чыккан.

“Төбәкләр өчен киләчәк кадрлары” стратегик инициативасында катнашу өчен беренче катнашучы һәр субъекттан 500 баланы сайлап алалар.

“Сайлап алу башланды инде, гаризалар бик күп. Һәр бала өчен шәхси үсеш программасы тәкъдим ителә. Әгәр дә аңа математика, яисә табигый фәннәр, яки ниндидер спорт казанышлары кызыклы икән, биредә без аның өчен кызыклы траектория формалаштырабыз. Аннан ул ел дәвамында шуның белән шөгыльләнәчәк”, - дип сөйләде үзәк генераль директоры.

“Сириус” мәгариф үзәге инициативада федераль үзәк буларак катнаша, дип дәвам итте Чупшева.

“Барлык талантлы балаларның профильләре дә шулай ук „Сириус” мәйданында формалашачак. Чынлыкта без, һәм губернаторлар да, аларда нинди яшьләр үсүен, аларнаң нигә сәләтле булуын, үсешен һәм үзләре урынына кемнәр киләчәген белеп торачакбыз”, - дип билгеләп үтте ул.
 

КӨН ҮЗӘГЕНДӘ

Киләсе елга хаҗ кылу өчен килешүләр төзи башлаганнар

2018 елда “ДУМ РТ ХАҖ” программасы аша 1800 кеше хаҗ сәфәренә барган.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов

Роспотребнадзор прививкалардан баш тартмаска өнди

Яр Чаллыда ике бала кызамык белән чирли дигән шик туганга, вакцинация үткәрелә.