Икътисад

Дөнья чемпионатында Казан волонтерларына 20 млн сумнан артык акча тотылачак - оештыручылар

Волонтерларга кием алырга, туклану һәм транспорт чыгымнарына республика һәм шәһәр казнасыннан акча бүлеп бирәчәкләр.
04.05 17:31

(Казан, 4 май, “Татар-информ”). Быелгы Дөнья чемпионатында Казан шәһәре өчен волонтерлар әзерләүгә һәм аларны тәэмин итүгә 20 млн сумнан артык акча тотылачак.Бу хакта “Татар-информ” корреспондентына “Спорт һәм социаль проектлар дирекциясе” генераль директоры урынбасары Александр Карпов һәм FIFA 2018нең Казандагы футбол буенча Дөнья чемпионатын оештыру комитетының волонтерлар координаторы Валентина Шихобалова сөйләде.

Спикерлар Татарстан башкаласында узачак мундиаль уеннарында 2 мең 345 волонтер катнашачак, дип белдерде. Шуларның 1 мең 345е - Чемпионатны оештыру комитеты карамагында һәм тагын 1 меңе ирекле – Казан шәһәре волонтерлары булачак. Әзерләү һәм аларны тәэмин итеп тору уртак - шәһәр һәм республика бюджетыннан финанслана, дип аңлатты спикерлар.

“Республикага шәһәр волонтеры чагыштырмача артык кыйммәткә төшми. Һәр волонтерга ул шул вакыт арасында 20-22 мең сум акча тотыла. Моңа туклану, транспорт чыгымнары, тормышны һәм сәламәтлекне иминиятләштерү, экипировка һәм башка сервислар керә. Әгәр дә меңләгән кешене бер айдан бераз гына артык вакытка акчага эшләтү белән чагыштырсаң, барлык салымнар һәм башка чыгымнар белән бергә ул шактый суммага төшәр иде”, - дип җиткерде Александр Карпов.

Ул: "Кешеләрне яллап эшләтү бервакытта да волонтерлык вазифаларын алыштыра алмый", - дип өстәде. Әлеге вазифаларның күбесе финанслар белән үлчәнми, дип аңлатты Александр Карпов.

 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.