Авыл

Азнакай игенчеләре чәчүгә тотынды

Район хуҗалыклары тулы әзерлектә.
05.05 02:00

(Азнакай, 5 май, "Татар-информ", “Маяк”, Энҗе Галәветдинова). Табигать инде уянды, дип һичшикләнүсез әйтергә була: кояш ныграк җылыта, яңгырдан соң үләннәр дә “батырая төшеп”, яшәрә башладылар. Димәк, чәчү башланырга вакыт җитә, дип яза җирле басма.

– Район хуҗалыклары тулы әзерлектә. Шушы көннәрдә, Аллаһы боерса, чәчүгә керергә планлаштырабыз, – диде авыл хуҗалыгы һәм азык-төлек идарәсе җитәкчесе Миргасим Усманов, – Бүгенге көндә кыр эшләре тулы куәтенә бара. 12,1 мең гектар мәйданда уҗымнар, 5,6 мең гектарда күпьеллыклар ашлама белән тукландырылган. Тырмалау барлыгы 8,8 мең гектарда башкарылган, – дип язгы кыр эшләре белән таныштырды ул.

Мәнәвез авылы шәхси эшмәкәре Фирдәвес Мөҗипов исә һава шартларының тотрыклыгын, аяз көннәрне көтеп тормыйча, яңгыр туктап торган арада кырга чыккан.

– Улым Рамиль белән 100 гектар арпа чәчәбез. Барлыгы 1 мең гектардан артык җирләребез бар. Җаваплы эшне уңышлы итеп, үзвакытында башкарып чыгарга иде, – дип өметләнә ул.

Бүген авыл хезмәтчәннәренең барысы да әлеге уй белән янып йөри.
 

 

КӨН ҮЗӘГЕНДӘ

20 августның төп вакыйгалары - фото һәм сылтамалар

Камил хәзрәт Сәмигуллин Корбан бәйрәме белән котлады, Татарстанда бөртекле һәм кузаклы культураларның 60 проценттан артыгы суктырылды.

Мәскәүдә Әлфия Авзалова истәлегенә концерт булды

Сәхнәдә Венера Ганиева, Марсель Вагыйзов, Алинә Шәрипҗанова, Илнар Миранов, Татарстан Дәүләт җыр һәм бию ансамбле артистлары чыгыш ясады.

Разил Вәлиев яшь укытучылар белән очрашуда туган телне ничек сакларга икәнен әйтте

“Чит телләр белү – байлык, туган телеңне белү – бәхет ул”, - диде Разил Вәлиев.

Васил Шәйхразиев "Татар моңы" бәйгесенең киләчәге булыр дип ышана

Камал театрындагы тамашаны Зөлфәт Зиннуров һәм Роза Әдиятуллина, Замирə Рəҗəпова һəм Ришат Əхмəдуллин алып бара.

"Татар моңы" бәйгесенең өч хөкемдарына халык артисты исеме бирелде

Г.Камал исемендәге театрда "Татар моңы" Халыкара яшь башкаручылар телевизион конкурсының гала-концерты бара.