Авыл

Ютазы районы аграрчылары оператив киңәшмәгә җыелды

Киңәшмәдә район аграрчылары алдына биш мең гектарда чиста пар калдыру бурычы куелды.
05.05 06:00

(Ютазы, 5 май, "Татар-информ", "Ютазы таңы"). Ютазы районы “Уңыш” җәмгыяте базасында узган язгы кыр эшләре буенча киңәшмәдә район аграрчылары алдына биш мең гектарда чиста пар калдыру бурычы куелды.

Район авыл хуҗалыгы предприятиеләре һәм фермерлар “Уңыш” җәмгыятенең көзге культуралар игелгән өч кырында булды. Аларның берсе – борчактан сон, икенчесе – чиста парга, өченчесе оптималь срокларда чәчелгән мәйданнар. Нәтиҗәсе дә төрле – чиста парга чәчелгән уҗым бодае шытымнары күзләрне иркәли. Чөнки ул кырны узган елда уңышлылар чын-чынлап чиста итеп тоткан – мәйдан өч тапкыр эшкәртелде, дип хәбәр итте район авыл хуҗалыгы һәм азык-төлек идарәсе начальнигы Аяз Шафигуллин. Көзге икмәкләрне тукландыру, тырмалау – булачак уңыш нигезен формалаштыруда бүген җиренә җиткереп үтисе агрочаралар.

Яз артык сузылды. Көн саен яуган яңгырлар кырда эшләргә ирек бирми. Әмма көзге яңгыр гына ул озак кибә ул. Язгы явым-төшемнән соң туфрак тиз җилли. Шуңа күрә җир йөзенә кояш караган һәр мизгелне кулдан ычкындырмаска киңәш ителде. Ә моның өчен техника кыр башында басып торырга, аның хуҗасы аек булырга, ә амбарда чәчү материалы инкурстацияләнеп, төяп куелган булырга тиеш, дип басым ясады район башлыгы Рөстәм Нуриев.

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.