Авыл

“Сарман” агрофирмасы шикәр чөгендер чәчүгә чыкты

Алар татлы тамыр чәчүне сигез көндә тәмамлауны максат итеп куйган.
05.05 04:00

(Сарман, 5 май, "Татар-информ", "Сарман"). 4 май көнне “Сарман” агрофирмасы шикәр чөгендерү чәчүгә кереште, дип яза җирле басма.

 

260 гектарлы Чукмарлы басуы иртәдән алып тракторлар гөрелтесенә күмелде. Чәчү технологиясе төгәл үтәлә. Татлы тамыр игеләчәк җир көздән минераль ашламалар белән тукландырылды, яхшылап эшкәртелде. Яздан һәр гектарга 2 центнер исәбеннән аммиак селитрасы кертелде. Ашланган мәйданнар тырмалана. Бу эштә Искәндәр Бакиев тырышлык куя. Тырма агрегатыннан соң басуга аталы-уллы Марсель һәм Ленар Хафизовлар җитәкчелегендәге “Лемкен” компакторы үтә. Аның артыннан Рәмдүс Фәретдинов иярләгән чәчү агрегаты китә. Агрофирманың шикәр чөгендерү игү звеносы җитәкчесе Рамил Шакирзянов әйтүенчә, басуда әлегә бер генә агрегат эшли, алга таба чәчүне тәүлек әйләнәсе оештырырга, басуга тәүлек әйләнәсе эшләү куәтенә ия булган -өч, озайтылган көн дәвамында эшләрдәй биш чәчү агрегаты кертергә ниятлиләр.

“Бу - көнгә 400 гектар мәйданда эш башкару мөмкинлеге бирә,”- ди звено җитәкчесе. Максатлары -татлы тамыр чәчүне сигез көндә тәмамлау. Кырдагыларга җылы аш китерелә, агрегатлар ватыла калса, күчмә ремонт станциясе шундук килеп җитә.

КӨН ҮЗӘГЕНДӘ

Киләсе елга хаҗ кылу өчен килешүләр төзи башлаганнар

2018 елда “ДУМ РТ ХАҖ” программасы аша 1800 кеше хаҗ сәфәренә барган.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов

Роспотребнадзор прививкалардан баш тартмаска өнди

Яр Чаллыда ике бала кызамык белән чирли дигән шик туганга, вакцинация үткәрелә.