Сәясәт

Төркиядә президент һәм парламент сайлаулары узачак

Киләсе сайлауларда Төркия Конституциясенә 2017 елның 16 апрелендә референдум нәтиҗәләре буенча кабул ителгән үзгәрешләр үз көченә керәчәк.
05.05 17:41

(Казан, 5 май, “Татар-информ”). 24 июньдә Төркиядә президент сайлаулары, шулай ук 27нче чакырылыш парламент депутатлары сайлаулары узачак. Соңгы парламент сайлаулары буенча 5 проценттан да ким булмаган тавыш җыйган сәяси партияләр һәм сәяси блоклар президент вазифасына кандадит тәкъдим итү хокукына ия булачак. Моннан тыш, сайлауларда 100 мең имза җыйган үз-үзләрен тәкъдим итүчеләр дә катнаша ала.

Закон буенча Төркия президенты вазифасына кандидат югары белемле, 40 яшьтән өлкәнрәк һәм Төркия гражданы булырга тиеш. Киләсе сайлауларда Гаделлек һәм үсеш партиясеннән кандидат –Төркиянең хәзерге президенты Рәдҗәп Тайип Эрдоган.

Кандидатлар арасында Мухаррем Индже, Мераль Акшенер, Темель Карамоллаоглу да бар.

Дәүләт башлыгы вазифасына кандидатларның төгәл исемлеге 13 майда хөкүмәтнең "Resmi Gazete" сендә дөнья күрәчәк. Соңыннан Төркиядә сайлау алды агитациясе башланачак һәм ул 21 майда төгәлләнәчәк.

  • Киләсе сайлауларда Төркия Конституциясенә 2017 елның 16 апрелендә референдум нәтиҗәләре буенча кабул ителгән үзгәрешләр үз көченә керәчәк.

 

КӨН ҮЗӘГЕНДӘ

Татарстан мөфтие туган телләрне саклау турында Путинга петицияне хуплады

Камил хәзрәт Сәмигуллин ватандашларны Россия халыкларының туган телләрен укытуны саклау өчен мөрәҗәгатьне якларга чакыра.

Васил Шәйхразиев Алтай краенда Сабан туе мәйданы белән танышты

Алтай краеның Алтай районы “Бирюзовая Катунь” махсус икътисади зонасында 17 июньдә Сабан туе узачак.

Татарстанда гражданнарга бушлай юридик ярдәм күрсәтү системасында 148 адвокат катнаша

Бушлай юридик ярдәм күрсәтүдә дәүләт һәм дәүләти булмаган система бар.

Милли шура рәисе Алтай крае хөкүмәте вәкилләре белән очрашты

12 июнь көнне Алтайда Сабан туе узачак территориядә зур фольклор бәйрәме була.

Татарстанның иң кечкенә мәчетләренең берсендә ифтарга 50 мөселман җыелды

Мәскәү татарлары “Штабы” Әгерҗе районы Кызыл Наратлык авылындагы “Сәҗдә” мәчетендә ифтар оештырды.