Авыл

Марат Әхмәтов: Һава шартлары чәчү эшләрен башлау вакытына йогынты ясады

Татарстанда планлаштырылган 1,7 миллион гектарның бары 50 мең чамасына язгы культуралар чәчелгән.
05.05 15:18

(Казан, 5 май, “Татар-информ”). Һава шартлары чәчү эшләрен башлау вакытына йогынты ясады. Татарстанда планлаштырылган 1,7 миллион гектарның бары 50 мең чамасына язгы культуралар чәчелгән. Бу хакта республика Хөкүмәте йортында киңәшмәдә төбәк вице-премьеры – Татарстан авыл хуҗалыгы һәм азык-төлек министры Марат Әхмәтов белдерде.

  • Чәчү кампаниясенең хәзерге чорына  Татарстанның яртыдан азрак районы чәчү эшләрен башланган. Узган ел 4 майга 423 мең гектарда язгы культуралар чәчелгән.

"Хәзер һава шартлары рәтләнеп китте. Дүшәмбе без 100 мең гектарда чәчү эшләрен төгәлләргә тиеш. һәр хуҗалык 6-7 процент чәчү эшләрен башкарырга бурычлы”, - дип билгеләде Марат Әхмәттов, район җитәкчеләренә мөрәҗәгать итеп.

Язгы культураларны 15 көндә чәчеп бетерергә мөмкин, әмма моның өчен механизаторларны ике сменада эшләтергә кирәк булачак. Моннан тыш, кирәкле әйберләрне, шул ук вакытта хезмәткәрләр өчен ризыкны вакытында китерергә кирәк, диде ул.

  • Татарстанда көзге культураларны һәм күпьеллык үләннәрне тукландыру һәм тырмалау эшләре оештырылган. Аерым алганда, 1 млн гектарның 620 меңе яки өчтән ике өлеше тукландырылган.

Татарстан Президенты Рөстәм Миңнеханов чарада катнашучылар игътибарын урыннарда барлык ресурсларны мобильләштерергә һәм чәчү эшләрен кыска вакытта төгәлләргә кирәклегенә юнәлтте. “Бу теманы катгый контрольдә тотарга кирәк”, - диде ул.

Моннан тыш, Рөстәм Миңнеханов хуҗалыкларны минераль ашламалар белән тәэмин итү һәм терлекчелекне үстерүгә аеруча игътибар бирергә киңәш итте.

 

КӨН ҮЗӘГЕНДӘ

Роспотребнадзор прививкалардан баш тартмаска өнди

Яр Чаллыда ике бала кызамык белән чирли дигән шик туганга, вакцинация үткәрелә.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов

Татарларны гыйльми яктан өйрәнгән галим эшчәнлеген Казанда конференциядә тикшерәләр

Казанда лингвистика мәктәбенә нигез салган галимгə багышланган Халыкара конференциядә төрле төбәкләрдән килгән 200 галим катнаша.