Дин

Башкортстанда яңа мәчет ачылган

Төзелеш эшләре 2010 елдан дәвам иткән гыйбадәтханәгә «Чулпан» дигән исем биргәннәр.
08.05 14:18

(Казан, 8 май, «Татар-информ»). Башкортстанның Нуриман районы Кызылъяр авылында яңа мәчет ачылган. Төзелеш эшләре 2010 елдан бирле барган гыйбадәтханәгә «Чулпан» дигән исем биргәннәр, дип хәбәр итә Россия мөселманнары Үзәк Диния нәзарәте матбугат хезмәте.

Мәчетне ачу тантанасына Баш мөфти, Россия мөселманнары Үзәк Диния нәзарәте рәисе Тәлгат Таҗетдин, Нуриман районы хакимияте башлыгы Азамат Носратуллин, имам-мөхтәсиб Фирдәүс Зиннәтуллин, дин әһелләре, җирле хакимият вәкилләре килгән.

Тәлгат Таҗетдин мәчет төзелешенә зур финанс ярдәме күрсәткән Рәмис Чулпановка (хәзер ул биредә имам булып тора) Россия мөселманнары Үзәк Диния нәзарәтенең «Әл-игътисам» медален тапшырган. Тантана күмәкләп намаз уку һәм төшке аш белән тәмамланган. 

КӨН ҮЗӘГЕНДӘ

Татарстан мөфтие туган телләрне саклау турында Путинга петицияне хуплады

Камил хәзрәт Сәмигуллин ватандашларны Россия халыкларының туган телләрен укытуны саклау өчен мөрәҗәгатьне якларга чакыра.

Васил Шәйхразиев Алтай краенда Сабан туе мәйданы белән танышты

Алтай краеның Алтай районы “Бирюзовая Катунь” махсус икътисади зонасында 17 июньдә Сабан туе узачак.

Татарстанда гражданнарга бушлай юридик ярдәм күрсәтү системасында 148 адвокат катнаша

Бушлай юридик ярдәм күрсәтүдә дәүләт һәм дәүләти булмаган система бар.

Милли шура рәисе Алтай крае хөкүмәте вәкилләре белән очрашты

12 июнь көнне Алтайда Сабан туе узачак территориядә зур фольклор бәйрәме була.

Татарстанның иң кечкенә мәчетләренең берсендә ифтарга 50 мөселман җыелды

Мәскәү татарлары “Штабы” Әгерҗе районы Кызыл Наратлык авылындагы “Сәҗдә” мәчетендә ифтар оештырды.