Икътисад

Путин: Ягулык өчен акцизларның төбәк бюджетларына өлешен 100 процентка җиткерергә кирәк

РФ Президенты куркынычсыз һәм сыйфатлы автомобиль юллары төзү проектына карата таләпләргә дә төгәллек керткән.
08.05 15:53

(Казан, 8 май, «Татар-информ»). Россия Президенты Владимир Путин РФ Хөкүмәтенә 2024 елга кадәр ягулык-майлау материалларына акцизларның төбәк бюджетларына күчерелгән өлешен 100 процентка җиткерергә йөкләмә биргән.

Әлеге чара дәүләт башлыгы сайтында урнаштырылган «2024 елга кадәрге чорга Россия Федерациясен үстерүдә стратегик бурычлар һәм максатлар турында»гы указ нигезендә каралган.

РФ Президенты куркынычсыз һәм сыйфатлы автомобиль юллары төзү проектын формалаштырганда «2024 елда ягулык-майлау материалларына акцизларның Россия Федерациясе субъектлары бюджетларына күчерелгән  өлешен 100 процентка җиткерү» кирәклегенә таянып эш итәргә кушкан, диелә документта.

  • Президентның «май указлары» нигезендә, Хөкүмәткә шулай ук гражданнарга уңайлы яшәү шартлары булдырырга йөкләмә бирелгән. Моннан тыш, Хөкүмәт илдә ярлылыкны ике тапкырга киметергә һәм һәр елны кимендә биш миллион гаиләнең торак шартларын яхшыртуга ярдәм итәргә тиеш диелгән.


 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.

«Ак Барс» оешмасы Идел буе округында арзанлы суднолар лизингы буенча проект гамәлгә ашыра

Компаниянең партнеры "Сбербанк" була, проект 2 миллиард сумга бәяләнә.