Рәсми Татарстан

Миңнеханов Дубай әмирлеге делегациясенә: Уртак проектларны гамәлгә ашырырга телибез

Очрашулар нәтиҗәле булыр һәм уртак проектларны гамәлгә ашырырга этәргеч бирер дип өметләнәм, диде Рөстәм Миңнеханов.
08.05 18:18

(Казан, 8 май, “Татар-информ”). Бүген Татарстан Республикасы Президенты Рөстәм Миңнеханов Дубай Әмирлегенең идарә итүче гаиләсе әгъзасы шәех Әхмәт бән Дальмук Джума әл Мәктүм белән очрашты. Очрашу Хөкүмәт йортында узды. Рөстәм Миңнеханов шәехкә Татарстанга визиты һәм республика сәнәгатенә, икътисади, инвестицион мөмкинлекләренә игътибар иткәне өчен рәхмәт белдерде. Бу хакта Татарстан Президентының матбугат хезмәте хәбәр итә.

Встреча Президента Республики Татарстан Р.Н. Минниханова с членом правящей семьи эмирата Дубай шейхом Ахмедом бен Дальмуком Джумой Аль Мактумом

"Сезнең программа бик бай: министрлыклар, ведомстволар, предприятиеләрдә очрашулар. Әлеге очрашулар нәтиҗәле булыр һәм уртак проектларны гамәлгә ашыруга этәргеч бирер, дип өметләнәм", - диде Рөстәм Миңнеханов.

Встреча Президента Республики Татарстан Р.Н. Минниханова с членом правящей семьи эмирата Дубай шейхом Ахмедом бен Дальмуком Джумой Аль Мактумом

Ул Татарстан Россия-Әмирлекләр мөнәсәбәтләре кысаларында Берләшкән Гарәп Әмирлекләре белән хезмәттәшлекне үстерүгә аеруча игътибар итүен җиткерде. "Без илегезнең ничек үзгәрүен, нинди максталар куйганыгызны күрәбез һәм тәҗрибәгезне бездә дә кулланырга тырышабыз. Шул ук вакытта без элемтәләрне тагын да ныгытып, уртак проектларны гамәлгә ашырырга телибез. Мөмкинлекләр бар", - диде Татарстан Президенты.

Рөстәм Миңнеханов сүзләренчә, ислам дөньясы белән элемтәләргә хәзер игътибар аеруча көчле. "Россия Президенты йөкләмәсе буенча, мин "Россия - Ислам дөньясы" стратегик күзаллау төркемен җитәклим. Ислам хезмәттәшлеге илләрендәге хезмәттәшләребез белән багланышларның төрле ысулларын эзлибез", - диде ул.

Встреча Президента Республики Татарстан Р.Н. Минниханова с членом правящей семьи эмирата Дубай шейхом Ахмедом бен Дальмуком Джумой Аль Мактумом

Татарстан Президенты шулай ук Казанда 10 май көнне "Россия - Ислам дөньясы: KazanSummit" унынчы икътисади саммит эшен башлавы турында искәртте.
Ахырда Татарстан Президенты кунакларны Бөек Ватан сугышында Җиңү көненә багышланган бәйрәм чараларында катнашырга чакырды.
 

КӨН ҮЗӘГЕНДӘ

Роспотребнадзор прививкалардан баш тартмаска өнди

Яр Чаллыда ике бала кызамык белән чирли дигән шик туганга, вакцинация үткәрелә.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов

Татарларны гыйльми яктан өйрәнгән галим эшчәнлеген Казанда конференциядә тикшерәләр

Казанда лингвистика мәктәбенә нигез салган галимгə багышланган Халыкара конференциядә төрле төбәкләрдән килгән 200 галим катнаша.