Икътисад

Татарстан банклары процентсыз кредитлар бирә башлаячак

Без “риба” һәм "процент"тан китәргә телибез, диде Татарстан икътисад министры Фәрит Абдулганиев.
10.05 16:34

(Казан, 10 май, “Татар-информ”, Екатерина Фадеева). Татарстан банклары процентларын тулаем дәүләт түләячәк кредитлар бирә башлый. Бу хакта “Россия – ислам дөньясы: KazanSummit” X халыкара икътисад форумында Татарстан икътисад министры Фәрит Абдулганиев әйтте.

Әлеге механизм республикадагы идарәче компанияләргә һәм сәнәгать парклары резидентларына, шул исәптән хәләл индустриядә эшләүче предприятиеләргә кагыла.

Форумда базарга чыгучы продукт мөмкинлекләре турында фикер алыштылар. "Предприятиеләр өчен бик тә кызыклы булырдай инструментларның берсе, үзләренең хәләл индустриясе булганнарның процентсыз кредит алу мөмкинлеге”, - дип билгеләп үтте Абдулганиев.

“Без “риба” һәм "процент"тан китәргә телибез. Кайтару акчалары бар, әмма шул ук вакытта бу кредиторны да, кредит алучыны да кабалага кертми. Моннан тыш, бу halal lifestyle ысулында эшчәнлек алып баручы предприятиеләргә кредит алуны тыймый”, - диде министр.

Продукт базарга якын көннәрдә чыгачак. Хәзерге вакытта аның юридик аспектлары эшләнә, дип аңлатты ул.

  • "Россия – ислам дөньясы: KazanSummit” X халыкара икътисад форумы Татарстан башкаласында 10 - 12 майда уза.

“KazanSummit"ка ун ел – бу беренче яхшы юбилей. Форум үсә, бу хакта кунаклар саны да, стендларның ничек әзерләнүе дә, спикерлар фикер алышучы мәсьәләләр даирәсе дә әйтеп тора. Без эш нәтиҗәләрен күрәбез һәм аларның гамәлгә керүе Татарстан Республикасы икътисадына өстәмә этәргеч бирер дип ышанабыз”, - дип өстәде Татарстан икътисад министры.

Шулай итеп, Татарстан инвестиция үсеше агентлыгы һәм Дубай ислам икътисадын үстерү үзәге арасында төзелгән килешү реаль сектор предприятиеләре арасында үзара хезмәттәшлеккә яхшы нигез бирәчәк, диде Абдулганиев.

  • KazanSummit-2018 фоорумындагы чыгышында Россиягә карата кертелгән санкцияләр Татарстан һәм аның Европа Берлеге, Кушма Штатлардагы партнерлары арасындагы эшлекле мөнәсәбәтләргә чик куя алмый, дип белдерде ТР Президенты Рөстәм Миңнеханов.

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.