Авыл

Зәйдә язгы кыр эшләренең 54 проценты башкарылды

Зәй районында язгы кыр эшләре район башлыгы Разиф Кәримовның ныклы контролендә.
11.05 08:00

(Зәй, 11 май, “Татар-информ”, “Зәй офыклары”, Рәзимә Кашапова). Зәйдә язгы кыр эшләренең 54 проценты башкарылды, дип яза район басмасы.

Зәй районында язгы кыр эшләре район башлыгы Разиф Кәримовның ныклы контролендә.

Район башлыгы авыл хуҗалыгы идарәсе җитәкчелеге һәм белгечләре белән бергә басу-кырларда була. Тулаем алганда, кызу эш барган бер генә бүлекчә басуы да Разиф Галиевич игьтибарыннан читтә калмый. Ә басуларда күңелле хезмәт гөрелтесе. Өч көн элек район басу-кырларга арпа чәчү эшен төгәлләнде инде, әлеге культура 15000 гектарга якын мәйдан били. Авыл хуҗалыгы һәм азык-төлек идарәсеннән алынган мәгълүматлар буенча, 10 майга 3500 гектарда чөгендер чәчелгән, ул барлыгы 9200 гектар мәйдан биләячәк. Район җитәкчелеге әйтүенчә, иртә-соң культуралар дип тору юк. Бүгенге көндә шулай ук көнбагыш, язгы бодай, рапс, орлыкка кукуруз, борчак, җирне ашлау максатыннан пар җирләренә сидерат чәчелә. Шул рәвешле районда язгы кыр эшләре 54 процентта башкарылды. Көзге культуралар һәм күпьеллыклар тукландырылды. Шулай ук көзге культураларны биологик препаратлар белән тукландыру һәм авыруларга каршы эш тә алып барылды.

Шулай итеп, басу-кырларда барлыгы 200 берәмлек техника, 500гә якын механизатор эшли. Кыр эшләре тәүлек әйләнә алып барыла, механизаторлар өч мәртәбә ашатыла. Орлык, ашлама, ягулык-майлау материаллары исә җитәрлек.

 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.