Спорт

Актанышта дзюдо буенча III төбәкара турнир узды

Командадагы 12 спортчының тагын 10сы призлы урыннарга, шул рәвешле, Актаныш командасы I урынга лаек булды.
11.05 04:00

(Актаныш, 11 май, "Татар-информ", "Актаныш таңнары", Гөлназ Хөҗҗәтова). Дзюдо буенча III төбәкара турнир “Актаныш” спорт комплексында узды. Ярышка Чаллыдан “Заман” һәм “Олимпийский” клублары, Киров өлкәсенең Кама Аланы, Башкортстанның Уфа шәһәрләре, Дүртөйле һәм Илеш районнарыннан – барысы 7 командадан 77 яшь көрәшче көч сынашты, дип яза җирле басма.

- Актаныш командасында 12 укучы. Безнең төп өмет – Ренат Садретдиновта.Ул быел Идел буе округы беренчелегендә җиңеп кайткан көчле спортчы. Бу юлы аңа катлаулырак бурыч куйдым – 26 кглы бу егетебез авыррак үлчәүдә - үзеннән зуррак малайлар белән көрәшәчәк. Аның өчен борчылып торам, - дигән иде Актаныш спорт мәктәбенең дзюдо буенча остазы Шамил Әхмәтов уеннар башланганчы.

Дзюдо белән 6 яшеннән алып, инде 5 ел бар күңелен биреп шөгыльләнүче Ренат остазының өметләрен бу юлы да аклады – лаеклы рәвештә җиңү яулады ул. Командадагы 12 спортчының тагын 10сы призлы урыннарга, шул рәвешле, Актаныш командасы I урынга лаек булды.

Менә алар, районыбызда үсеп килүче көчле яшь дзюдочылар: иң кечкенәләр - 2009-2010 елгылар арасында Әмир Ибраһимов – I, Аман Магиадов – II; 2006-2008 елгы кыз-малайлар арасында алда искә алган Ренат Садертдинов, Ислам Шәрифулин, Гөлназ Гыйлмуллина – келәм батырлары, Алия Латыйпова – II урын иясе булды. 2001-2003 елгы яшүсмерләр арасында Артур Хисаметдинов – I, Рөстәм Гайнуллин – II, Мансур Фәхразыев, Рөстәм Фәхерлегаянов, Азамат Фәхразыевлар III урынга лаек булдылар. Командалар арасында уфалылар – II, Илеш районы дзюдочылары III урында.

 

КӨН ҮЗӘГЕНДӘ

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.

Туристларга Казанда милли сәнгать белән танышу кызыклы - Гөлчәчәк Нәҗипова

Футбол буенча дөнья чемпионаты көннәрендә Татарстан музейлары программасына багышланган матбугат конференциясе үтте.

Айдар Галимов: Туган телебез яхшы якка бармый, бетүгә таба бара

“Без, кызганычка каршы, барыбыз да шуңа өлеш кертәбез”, - ди җырчы.

Россия Көрәш федерациясе аккредитациясен 2020 елга кадәр озайттылар

Мәскәүдә Россиядәге иҗтимагый спорт оешмаларын аккредитацияләү комиссиясенең чираттагы утырышы узды.