Рәсми Татарстан

Сезнең Саммитта катнашуыгыз - бердәмлек билгесе - Р.Миңнеханов ислам дәүләтләре илчеләренә

Президент ислам дәүләтләре илчеләренә "Россия – Ислам дөньясы: KazanSummit 2018" X халыкара икътисадый саммитында катнашулары өчен рәхмәт белдерде.
11.05 07:49

(Казан, 11 май, "Татар-информ"). "Сезнең биредә самитта катнашуыгыз - бердәмлек билгесе, монда яшәүче 20-25 млн. мөселман белән бердәмлек билгесе ул. Һәм дөньядагы бер миллиард 700 млн. мөселманның тынычлык, игелек һәм ярдәмчел дингә ышануларын раслый", - диде Татарстан Президенты Ислам дәүләтләренең Гадәттән тыш һәм Тулы вәкаләтле илчеләренә. Бу хакта республика җитәкчесе илчеләрнең Татарстан Республикасы Президенты белән очрашуында белдерде, дип хәбәр итә Татарстан Президентының матбугат хезмәте.

Очрашу кичә, 10 майда, Казан Кремлендә үтте. Рөстәм Миңнеханов ислам дәүләтләре илчеләренә "Россия – Ислам дөньясы: KazanSummit 2018" X халыкара икътисадый саммитында катнашулары өчен рәхмәт белдерде. Татарстан Президенты форумның икътисадый, геосәясәт һәм мәдәни өлкәләрдә әһәмиятен ассызыклады.

Рөстәм Миңнеханов ассызыклаганча, KazanSummit - инде дүрт ел Ислам хезмәттәшлеге оешмасы илләрендәге бизнес даирәләрнең яшь вәкилләре җыела торган иң эре мәйданчыкларның берсе. Биредә алар проектларны гамәлгә ашыру турында килешә, дәүләтләр арасындагы мөнәсәбәтләр ныгуга тәэсир итәләр.

Ислам дәүләтләренең Гадәттән тыш һәм Тулы вәкаләтле илчеләре Татарстан белән социаль-икътисадый мөнәсәбәтләрне киңәйтергә әзер. Рөстәм Миңнеханов Татарстанның да ислам илләре базарларына үз продукциясен китерергә әзер булуын билгеләде.

"Татарстан Россия белән Ислам хезмәттәшлеге оешмасы илләре арасындагы мөнәсәбәтләргә зур өлеш кертә ала. Ислам дәүләтләре бизнесына Россия белән эш алып баруны уңайлы итәргә кирәк", - дип ассызыклады Рөстәм Миңнеханов.

Алжирның Россиядәге илчесе Смаил Аллауа ун елда Казан саммитының 300 катнашучыдан 3 мең катнашучыга кадәр үсүен ассызыклады. "Ник кешеләр KazanSummit ка килә? Беренче чиратта, яңа идеяләр табу өчен. Яңа партнерлар белән очрашу өчен. Һәм шулай ук кунакчыллыкны тоеп, өйгә чәк-чәк алып кайтыр өчен. Ышанам, елдан-ел Казан шәһәренең халыкара аренада абруе артачак кына", - диде илче.

 

 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.